«حالىقتىق باقىلاۋ» جوباسىنا قوسىلدى

«حالىق باقىلاۋشىلارى» رەتىن­دە كاسىپورىندارعا مۇم­كىن­دىكتەرى شەكتەۋلى, سونىڭ ىشىندە جالپى اۋرۋلار بويىنشا مۇمكىندىكتەرى شەكتەۋ­لى ادامداردى تارتادى. بەينەبا­قى­لاۋ جۇيەسىنىڭ كومەگىمەن ولار وندىرىس­تەگى بارلىق قاۋىپسىزدىك ەرە­جەلە­رىنىڭ بۇزىلۋىن اۋىسىم بويىنشا قادا­عالايدى. بۇل قاۋىپسىز ەڭبەك جاع­دايلارىن قامتاماسىز ەتۋ ءۇشىن قا­جەت­تى شارالاردى ۋاقتىلى قابىلداۋعا, ال جۇمىس بەرۋشىلەر ءۇشىن مۇگە­دەكتەردى جۇمىسقا ورنالاستىرۋ بويىنشا كۆوتانى پايدالانۋعا مۇمكىندىك بەرەدى.

وڭىرلەر بولىنىسىندە «حالىق­­تىق باقىلاۋ» جوباسىنا­ شىمكەنت قالاسىندا 12 كاسىپ­ورىن, ماڭعىستاۋ وبلىسىندا 7 كاسىپورىن, اقتوبە جانە جامبىل وبلىستارىندا 5 كاسىپورىننان, پاۆلودار وبلىسىندا 4, قىزىلوردا وبلىسىندا 2 جانە قوستاناي وبلىسىندا 1 كاسىپورىن قوسىلدى.

ەستەرىڭىزگە سالا كەتەيىك, «حالىق­تىق باقىلاۋ» جوباسى 2019 جىلعى ما­مىر ايىندا مەملەكەت باسشىسى اقتوبە وبلىسىنا بارعان كەزدە «قازحروم» تۇك» اق فەرروقورىتپا زاۋىتىندا تانىستىرىلدى. كەز­دەسۋ قورىتىندىسى بويىنشا پرەزيدەنت اتالعان جوبانى ەلىمىزدىڭ باسقا دا كاسىپ­ورىندارىنا ەنگىزۋ مۇمكىن­دىگىن قاراستىرۋدى تاپسىرعان بولاتىن.