قازاقستان رەسپۋبليكاسىنىڭ ەكولوگيا, گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ IHS Markit Ltd عالامدىق اقپاراتتىق پروۆايدەرىنىڭ وكىلدەرىمەن قازاقستاننىڭ گەولوگيالىق بارلاۋ جۇمىستارىنا ينۆەستيتسيا تارتۋ ماسەلەلەرىن تالقىلادى. كەزدەسۋ بەينەكونفەرەنتسيا ارقىلى ءوتتى, - دەپ حابارلادى مينيسترلىكتىڭ ءباسپاسوز قىزمەتى.
تاراپتار قازاقستاندىق مۇناي-گاز سالاسىن قارقىندى تۇردە دامىتۋ مۇمكىندىكتەرىنە توقتالدى.
IHS Markit مينيسترلىككە قازاقستاننىڭ گەولوگيالىق بارلاۋ جۇمىستارىنا, اتاپ ايتقاندا, از زەرتتەلگەن مۇناي-گاز باسسەيندەرىنە ينۆەستيتسيالار تارتۋعا قالاي كومەكتەسە الاتىندىعى تۋرالى ماسەلە كوتەرىلدى.
كومپانيا وكىلدەرى قازاقستاننىڭ ينۆەستيتسيالىق تارتىمدىلىعىن جوعارى باعالادى جانە ۆەدومستۆونىڭ ينۆەستيتسيالىق تارتىمدىلىعىن ارتتىرۋعا دەگەن ۇمتىلىسىنا وڭ باعا بەردى.
وتىرىس ناتيجەسىندە ناقتى ۇسىنىستار مەن كەزەڭ-كەزەڭمەن جاسالاتىن ءىس-شارالار مىندەتى بولىپ تابىلاتىن جۇمىس توبىن قۇرۋ تۋرالى كەلىسىمگە قول جەتكىزىلدى.
ءىس-شاراعا ەكولوگيا, گەولوگيا جانە تابيعي رەسۋرستار ۆيتسە-ءمينيسترى س. برەكەشەۆ, گەولوگيا كوميتەتىنىڭ توراعاسى ا. نادىرباەۆ, قازاقستان مۇنايشى گەولوگتارى قوعامىنىڭ پرەزيدەنتى ب. قۋاندىقوۆ قاتىستى.
IHS Markit تاراپىنان اتقارۋشى ديرەكتور, كەڭەسشى دجون ستەكي, ۆيتسە-پرەزيدەنت, ءونىدىرىس پەن بارلاۋ جونىندەگى ستراتەگيا ءبولىمىنىڭ باسشىسى بوب فريكلۋند, اتقارۋشى ديرەكتور دجيم توماس جانە تاعى باسقالار قاتىستى.