1 ماۋسىمداعى جاعداي بويىنشا 224,7 مىڭ ادام ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان "ەڭبەك" مەملەكەتتىك باعدارلاماسىنىڭ قاتىسۋشىسى بولدى. 184 مىڭ ادام جۇمىسقا ورنالاستىرىلدى, ونىڭ 99 مىڭى – تۇراقتى جۇمىسقا ورنالاستىرىلدى, - دەپ حابارلادى ەحاقم ءباسپاسوز قىزمەتى.
سۋبسيديالاناتىن جۇمىس ورىندارىنا 85,4 مىڭ ادام جۇمىسقا ورنالاستىرىلدى, ونىڭ ىشىندە: الەۋمەتتىك جۇمىس ورىندارىنا – 12,6 مىڭ, جاستار پراكتيكاسىنا – 10,6 مىڭ, قوعامدىق جۇمىستارعا – 62,2 مىڭ ادام.
ەڭبەك رەسۋرستارىنىڭ ۇتقىرلىعىن ارتتىرۋ ءۇشىن اعىمداعى جىلعى 1 ماۋسىمداعى جاعداي بويىنشا جۇمىس كۇشى ارتىق وڭتۇستىك وڭىرلەردەن 691 وتباسى قۇرامىندا 2 445 ادام قونىس اۋداردى.
تەحنيكالىق جانە كاسىپتىك ءبىلىم بەرۋ (بۇدان ءارى – تجكب) ۇيىمدارىندا 52,5 مىڭ ادام وقۋىن جالعاستىرۋدا, ولار ستيپەنديامەن, ءبىر رەت ىستىق تاماقپەن جانە جول جۇرۋگە ماتەريالدىق كومەكپەن قامتاماسىز ەتىلگەن. اعىمداعى جىلى تجكب جۇيەسىندە 21 مىڭ ادامدى وقۋمەن قامتۋ جوسپارلانۋدا.
2020 جىلعى 1 ماۋسىمداعى جاعداي بويىنشا قىسقا مەرزىمدى وقىتۋ كۋرستارىنا 1,5 مىڭ ادام جىبەرىلدى, جىل سوڭىنا دەيىن وسى شارامەن 16,8 مىڭ ادامدى قامتۋ جوسپارلانۋدا.
جىل باسىنان بەرى مەملەكەتتىك باعدارلاما اياسىندا جاپپاي كاسىپكەرلىكتى دامىتۋعا 10,4 ملرد. تەڭگەگە 2 179 ميكروكرەديت بەرىلدى, ونىڭ ىشىندە 1 963 ميكروكرەديت اۋىل كاسىپكەرلەرىنە بەرىلدى, ولار 2 206 جۇمىس ورنىن قۇردى.
سونداي-اق, باعدارلاماعا قاتىسۋشىلارعا جاڭا بيزنەس-يدەيالاردى ىسكە اسىرۋعا 200 اەك-كە دەيىنگى مولشەردە 24 مىڭ مەملەكەتتىك گرانت بەرىلەدى. اعىمداعى جىلدىڭ 1 ماۋسىمىنا 5,3 مىڭ مەملەكەتتىك گرانت بەرىلدى.
بۇدان باسقا, 30 مىڭ ادام "باستاۋ بيزنەس" جوباسى بويىنشا كاسىپكەرلىك نەگىزدەرىنە وقىتىلادى.