نۇر-سۇلتان قالاسىنىڭ قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا ەلوردادا كوروناۆيرۋس جۇقتىرعان ايەلدەرگە ارنالعان جەكە پەرزەنتحانا اشىلاتىنىن ايتتى, - دەپ حابارلايدى Egemen.kz.
"كوروناۆيرۋس جۇقتىرعان جۇكتى ايەلدەر بوسانىپ جاتىر. بۇگىندە 17 بالا دۇنيەگە كەلدى. جالپى قالادا 112 جۇكتى ايەل ۆيرۋس جۇقتىرعان. ونىڭ 78-ءى ستاتسيوناردا ەم قابىلداپ جاتىر. 12 ماۋسىمنان باستاپ قوسىمشا توسەك قورىنداردى قايتا بەيىمدەۋ ەسەبىنەن پروۆيزورلىق ستاتسيونارلاردىڭ توسەك-ورىن سانى 300-دەن 705-كە دەيىن كوبەيدى. وسى ماسەلەگە بايلانىستى توسەك قورىن قايتا بەيىمدەۋ ەسەبىنەن جەكە پەرزەنتحانا نەمەسە COVID-پەريناتالدىق ورتالىق اشامىز", - دەدى ساۋلە قيسىقوۆا.
ەسكە سالا كەتەيىك, بۇعان دەيىن نۇر-سۇلتاندا 20-دان استام ۆيرۋسولوگتىڭ ىندەت جۇقتىرعانىن حابارلاعان ەدىك.