بۇگىندە كۋرورتتىق ايماقتىڭ تۋريستىك قىزمەت كورسەتۋ ينفراقۇرىلىمىنا 178 نىسان كىرەدى, - دەپ حابارلايدى Egemen.kz.
كۋرورتتىق ايماقتا 45 ساناتوري بار. ونىڭ 13-ءى بالالارعا ارنالعان ساۋىقتىرۋ ورتالىعى. 133 نىسانعا 13 مىڭنان استام ءتۋريستى ورنالاستىرۋعا بولادى. 600 مىڭنان استام دۇكەن, قوعامدىق تاماقتانۋ ورنى مەن تۇرمىستىق قىزمەت ۇيىمدارى بار.
"وبلىس باسشىلىعى تاراپىنان تۋريستىك ايماققا جاقسى كوڭىل بولىنۋدە. جاڭادان وتەلدەر اشىلۋدا. سونداي-اق, بيىل "جەكەباتىر" ءساناتوريى, "اق جەلكەن" تاۋ شاڭعىسىنىڭ كەشەنى اشىلماق. بۋراباي ەلدىمەكەنىنىڭ ورتالىعىندا "ۆيندوم گاردەن" قوناق ءۇيىن اشۋ جوسپارلانۋدا. ول الەمدىك برەندتەگى وتەل بولماق", – دەيدى بۋراباي اۋداندىق دەنە شىنىقتىرۋ, سپورت جانە تۋريزم ءبولىمىنىڭ جەتەكشىسى ازامات بايمۇقانوۆ.
ەكولوگيالىق ءتۋريزمدى دامىتۋ اياسىندا 29 ەكسكۋرسيا باعىتى دايىندالدى. ونىڭ 19-ى – جاياۋ, ەكەۋى اتپەن, بىرەۋى ۆەلوسيپەدپەن, ەندى ءبىرى سۋمەن جانە التاۋى اۆتوبۋسپەن جۇرۋگە ارنالعان. بەس باعىت بويىنشا اباتتاندىرۋ جۇمىسى جۇرگىزىلدى. ولار: "كەنەسارىنىڭ ۇڭگىرى", "ىبىرايدىڭ سوقپاعى", "تابيعات اياسىندا", "وقجەتپەس شىڭى", "كوكشە تاۋ".
جالپاق جۇرت جامان تۇماۋدان ارىلسا, ىرگەگە كەلگەن ىندەتتىڭ بەتى قايتسا, بۋرابايدىڭ باۋرايى تۋريستەرگە تولماق. ول ءۇشىن بار جاعداي جاسالۋدا.
اقمولا وبلىسى