سەنىمحاتتى راسىمدەۋگە كومەكتەسكەن ەر ادام جەسىردى الداپ كەتتى

سايرام اپب-نىڭ كەزەكشى بولىمىنە جەرگىلىكتى تۇرعىن ارىزدانىپ, الاياقتىق جولمەن بەيتانىس ادام ونىڭ ۇلكەن كولەمدەگى اقشاسىن تارتىپ العانىن جەتكىزدى. جابىرلەنۋشى ايەلدىڭ ايتۋىنشا, الاياق ونىڭ سەنىمىنە كىرىپ, جول-كولىك وقيعاسىنان قازا تاپقان كۇيەۋىنىڭ ساقتاندىرۋ تولەمدەرىن الۋ ءۇشىن كومەك كورسەتەمىن دەپ الداعان. سودان الاياق ەر ادام ءوزىنىڭ اتىنا ساقتاندىرۋ سەنىمحاتىن رەسىمدەۋگە جەسىر ايەلدى كوندىرىپ, ءوز شوتىنا اقشا تۇسكەن سوڭ ونى جىمقىرىپ, وقيعا ورنىنان بوي تاسالاعان.

جابىرلەنۋشىگە كەلتىرىلگەن شىعىن كولەمى 5 ملن تەڭگەدەن استى. وسىعان ۇقساس ارىزدارمەن پوليتسيا باسقارماسىنا تاعى بىرنەشە جابىرلەنۋشى كەلىپ, كومەك سۇراعان. اتالعان جايتتار قر قك 190-بابى (الاياقتىق” بويىنشا سايرام اۋداندىق پب-دا تىركەلدى.

قىلمىستى اشۋ ماقساتىندا سايرام اۋداندىق پوليتسيا باسقارماسىندا تاجىريبەلى قىزمەتكەرلەردەن جەدەل-تەرگەۋ توبى قۇرىلدى. جەدەل-ىزدەستىرۋ ءىس-شارالارىنىڭ قورىتىندىسىنا سايكەس پوليتسيا قىزمەتكەرلەرى كۇدىكتىنى جاسىرىنىپ جۇرگەن جەرىنەن الماتى قالاسىنان ۇستادى. ول شىمكەنت قالاسىنىڭ تۇرعىنى بولىپ شىقتى.

بۇگىنگى تاڭدا تەرگەۋ بارىسىندا كۇدىكتىنىڭ جالپى سوماسى 18 ميلليون تەڭگەدەن استام ءتورت الاياقتىق دەرەگىنە قاتىستىلىعى انىقتالدى. بەلگىلى بولعانداي, ەر ادام ءبىر جوسپار بويىنشا ارەكەت ەتىپ, جابىرلەنۋشىلەردىڭ سەنىمىنە كىرىپ, جەسىرلەرىنە ساقتاندىرۋ تولەمدەرىن الۋعا كومەكتەسۋگە ۋادە بەرىپ, قۇجاتتارىن رەسىمدەگەننەن كەيىن ءوز شوتىنا اقشا اۋدارتىپ, جاسىرىنىپ جۇرگەن.

قازىرگى ۋاقىتتا الاياقتىق جايتتارى بويىنشا سوتقا دەيىنگى تەرگەۋ امالدارى جۇرگىزىلىپ جاتىر. كۇدىكتى قاماۋعا الىندى. پوليتسيا قىزمەتكەرلەرىمەن كۇدىكتىنىڭ باسقا دا الاياقتىققا قاتىستىلىعى انىقتالادى.

تۇركىستان وبلىسىنىڭ پوليتسەيلەرى تۇرعىندارعا كۇماندى قىزمەتتەردى ۇسىناتىن بەيتانىس ادامدارعا سەنبەۋگە كەڭەس بەرەدى. سونداي-اق, قانداي دا ءبىر مامىلەلەردى رەسىمدەۋ جانە قۇجاتتاردى رەسىمدەۋ كەزىندە مۇقيات بولۋ كەرەك. ەگەر ءسىز الاياقتىقتىڭ قۇربانى نەمەسە كۋاگەرى بولساڭىز, شۇعىل “102” تەلەفونى ارقىلى پوليتسياعا حابارلاسىڭىز.