ۇبت: تۇلەكتەر ءۇشىن قانداي جەڭىلدىكتەر ەنگىزىلدى؟

ۇلتتىق تەستىلەۋ ورتالىعىنىڭ سايتىندا ءار ءپان بويىنشا دايىندىق تەستىلەرىنىڭ 70 بىرەگەي نۇسقاسى تەگىن ورنالاستىرىلدى; قاشىقتان وقىتۋ جاعدايىندا مەملەكەتتىك ءبىتىرۋ ەمتيحاندارى وتكىزىلمەدى, ال اتتەستاتتار جىلدىق باعالار نەگىزىندە بەرىلدى; مەكتەپ بىتىرۋشىلەرى IV توقساندا وتكەن ماتەريالدى قايتالاپ, بەكىتەدى, سوندىقتان ۇبت-دا 11 سىنىپتاعى سوڭعى توقساننىڭ سۇراقتارى بولمايدى; ۇبت تاپسىرۋ بارىسىندا كالكۋلياتور قولدانۋعا رۇقسات ەتىلدى, ولار ۇستەلدەردە تۇرادى. بىراق تالاپكەر ءوزى قالاعان قۇرىلعىنى وزىمەن بىرگە اكەلە المايدى. كالكۋلياتور ۇبت تاپسىرۋ ورىندارىندا عانا بەرىلەدى. تەستىلەۋ ۋاقىتى 4 ساعاتقا ۇزارتىلدى. وتكەن جىلمەن سالىستىرعاندا ۇبت تاپسىرۋشىلاردىڭ سانى 12%-عا ارتقان. وتىنىشتەر العاش رەت ونلاين قابىلداندى.

ءبىلىم بەرۋ گرانتىن تاعايىنداۋ كونكۋرسىنا قاتىسۋ ءۇشىن نەمەسە اقىلى نەگىزدە وقۋعا ءتۇسۋ ءۇشىن قاجەتتى ۇبت-نىڭ شەكتى بالى بەلگىلەندى. سونداي-اق اكادەميالىق كەزەڭ اياقتالعانعا دەيىن قابىلدانعان ۇبت شەكتى بالىن جيناماعان تۇلعالار ەندى جىل بويى ۇبت تاپسىرۋ مۇمكىندىگىنە يە. پەداگوگيكالىق ماماندىقتارعا ءتۇسۋ ءۇشىن تالاپ كۇشەيتىلدى, ياعني وقۋعا ءتۇسۋ ءۇشىن شەكتى بالى 70-كە دەيىن كوتەرىلدى.