وبلىستىق توتەنشە جاعدايلار دەپارتامەنتىنىڭ مالىمەتىنشە, كەشە, 10-شى ماۋسىمدا ساعات 18:50-دە اقسۋ قالاسى جاعاجاي ماڭىندا ءبىر قىزدىڭ شومىلۋ كەزىندە سۋعا كەتكەنى تۋرالى حابارلاما كەلىپ تۇسكەن, - دەپ حابارلايدى Egemen.kz.
قىز رەسمي جاعاجايدىڭ سىرتىنداعى تىيىم سالىنعان جەردە شومىلعان. جانىندا بولعان قۇربىسى ەكەۋى دە سۋدان شىعا الماي قالادى. وسى كەزدە "بوتاحانوۆا ت.ن." جەكە كاسىپكەرلىگىنە تيەسىلى جەكە جاعاجايداعى قوعامدىق قۇتقارۋشىلار قىزداردى سۋدان الىپ شىعىپ, العاشقى جەدەل كومەك كورسەتكەن.
سونىمەن بىرگە, قۇتقارۋشىلار جەدەل مەديتسينالىق كومەك بريگاداسىن شاقىردى. مەديتسنالىق قىزمەتكەرلەر زارداپ شەگۋشى قىزدى اقسۋ قالالىق اۋرۋحاناسىنا جەتكىزدى. قازىرگى ۋاقىتتا دارىگەرلەر ونىڭ جاي-كۇيى جاقسى ەكەنىن حابارلادى.
قوعامدىق قۇتقارۋشىلار لياتەتسكي دانيل, سابيەۆ ۆاسيلي, لاەۆسكي بوگدان جانە باسپاكوۆ ءادىلدىڭ وقيعا ورنىندا دەر كەزىندە جەدەل كومەك كورسەتىپ, قىزدىڭ قۇتقارىپ قالدى. ال, قوعامدىق قۇتقارۋشىلاردى العاشقى كومەك كورسەتۋگە جانە سۋعا باتىپ بارا جاتقان ادامداردى قۇتقارۋعا وبلىستىق توتەنشە جاعداي دەپارتامەنتىنىڭ ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىنىڭ جەدەل-قۇتقارۋ جاساعىنىڭ قىزمەتكەرلەرى ۇيرەتۋدە.
پاۆلودار وبلىسى