قوستاناي وبلىسىندا وتكەن "قارۋ" جەدەل الدىن الۋ شاراسى بارىسىندا ليتسەنزيالىق رۇقسات ەرەجەسىن بۇزعانى ءۇشىن 45 قارۋ يەسى اكىمشىلىك جاۋاپكەرشىلىككە تارتىلدى. ماۋسىمنىڭ سەگىزىندە باستالعان ءىس-شارا قىلمىستىڭ الدىن الۋ ماقساتىندا ءجۇرىپ جاتىر, - دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
شارا بارىسىندا ءتارتىپ ساقشىلارى ازاماتتىق قارۋى بار 1373 تۇرعىندى تەكسەرىپ, ليتسەنزيالىق-رۇقسات بەرۋ ەرەجەلەرىنە قاتىستى 53 زاڭبۇزۋشىلىق انىقتاعان. ونىڭ ىشىندە زاڭسىز قارۋ جانە وق-ءدارى ساقتاۋعا قاتىستى 8 ماتەريال سوتقا جىبەرىلگەن. بۇدان وزگە, قارۋ ساقتاۋعا جانە ونى وزىمەن بىرگە الىپ جۇرۋگە قۇقىق بەرەتىن 8 رۇقسات قۇجاتى جويىلىپ وتىر.
مىسالى, قاراسۋ اۋدانىندا وتكەن تەكسەرىس بارىسىندا جەرگىلىكتى تۇرعىنداردىڭ بىرىنەن زاڭ بويىنشا تىركەلمەگەن 12 كاليبرلى "يج-58" مىلتىعى تاركىلەنىپ الىندى. سونداي-اق, قارابالىق اۋدانىنىنىڭ تۇرعىنى رۇقسات قۇجاتىنسىز گاز پيستولەتىن ساقتاپ كەلگەن.
پوليتسەيلەر رەيد بارىسىندا 8 قارۋ تاركىلەپ العان. مۇنىڭ سىرتىندا, وبلىس تۇرعىندارى 36 قارۋدى ءوز ەركىمەن پوليتسياعا اكەلىپ تاپسىرعان.
قوستاناي وبلىسى