الەمدىك ەكونوميكالىق احۋال تەز قالپىنا كەلگەن جاعدايدا حالىقارالىق نارىقتا جۇمىس ىستەيتىن جاپون كومپانيالارىنىڭ اكتسيالارىنىڭ باعاسى وسەدى. دەگەنمەن, جاعداي ناشارلاcا, جاپون كومپانيالارىنىڭ ءىرى اقشا قورى بار.
بۇكىل الەم S&P 500 رەيتينگىسىنە كىرەتىن كومپانيالاردىڭ اۋىر جاعدايىن باقىلاپ وتىرعان تۇستا بيرجاداعى جاپون كومپانيالارى بارىنەن اسىپ ءتۇستى.
الەمدىك اكتسيالار شىڭعا جەتكەندە اقش-تىڭ دوللارلىق كورسەتكىشتە Topix يندەكسى 12 اقپاننان باستاپ 8% - عا تومەندەدى. تيىسىنشە S&P 500, MSCI Emerging Markets جانە Euro Stoxx يندەكستەرى سول كەزەڭدە 11,5%, 16,5% جانە 19,8% تومەندەدى.
بىراق بۇرىنعى ناتيجەلەر جاپون نارىعىنىڭ اعىمداعى جاعدايىن كورسەتپەيدى. ەلدەگى اتالمىش كومپانيالاردىڭ جاعدايى جاقسارعانىنا نەمەسە كەلەسى ايلاردا ناشارلاسا دا ينۆەستورلارعا پايداسى تيەتىن ارتىقشىلىقتارى بار.
ەگەر كوروناۆيرۋستان كەيىنگى قالىپقا كەلۋ كەزەڭى كۇتكەن ۋاقىتتان دا اناعۇرلىم تەزىرەك بولسا, ولار Topix يندەكسىنىڭ ەداۋىر بولىگىن قۇرايتىن ەلەكتروندى, اقپاراتتىق, بايلانىس جانە كولىك قۇرال-جابدىقتارىنىڭ اكتسيالارىن جەڭىپ الادى. ەلدەگى ءىرى قورلار ولاردىڭ تابىسىنىڭ جارتىسىن عانا قۇرايدى. كومپانيالار بۇل ستسەناري بويىنشا اقش-تان وزىپ كەتپەۋى مۇمكىن, بىراق ولاردىڭ دامىپ كەلە جاتقان نارىقتار مەن ەۋروپالىق اكيتسيالاردان وزىپ كەتۋگە جاقسى مۇمكىندىكتەرى بار.
قايتالاناتىن تولقىندارمەن نەمەسە ۇلكەن ەكونوميكالىق شىعىندارمەن بىرگە باياۋ قالپىنا كەلتىرۋ جاعدايىندا كورپوراتيۆتى جاپونيانىڭ بۇدان دا ايقىن ارتىقشىلىعى بار: ەلدىڭ كومپانيالارى قولما-قول اقشانىڭ ۇلكەن رەزەرۆىنە يە. جاپونيا بانكىنىڭ مالىمەتىنشە, جەلتوقساندا قارجىلىق ەمەس فيرمالار شامامەن 280 ترلن يەن ۆاليۋتاسىنا جانە دەپوزيتتەرگە يە بولعان.
قالىپتى ۋاقىتتا جاپون بيزنەسىندەگى اقشا ەل ەكونوميكاسى ءۇشىن جاقسى بەلگى بولماۋى مۇمكىن. بىراق ءدال وسى ساتتە ولاردىڭ بولۋى وتە جاقسى. ەل اكتسيالارىننىڭ باعاسى جاپون ەكونوميكاسىنىڭ ارتىقشىلىعىن كورسەتەدى. ولاردىڭ جاقىندا وسۋىنە قاراماستان, بۇل وزگەرىس اقش-تاعىداي جوعارى ەمەس. كەلەسى 12 ايداعى كۇتۋگە نەگىزدەلگەن جاپوندىق اكتسيالاردىڭ باعالىق كىرىس كوەففيتسيەنتى ناۋرىزداعى شامامەن 11,1-دەن قازىرگى ۋاقىتتا 15,7-گە دەيىن ءوستى. اقش اكتسيالارى ءۇشىن ءدال وسىنداي مۋلتيپليكاتور 13,5-تەن 22,9-عا دەيىن ءوستى. FactSet مالىمەتتەرىنە سايكەس, جاپوندىق اكتسيالار امەريكالىق نۇسقاسىمەن سالىستىرعاندا نارىقتا ەڭ ارزانى بولىپ تابىلادى.
ەلدەگى تومەن پايىزدىق مولشەرلەمەلەر ينۆەستورلار كاپيتالى ءۇشىن ۆاكۋم تۋعىزادى. بەلگىسىزدىك بەلەڭ العان حالىقارالىق احۋالدا, ءتىپتى ءىرى بانكتەر دە تارتىمدىلىعىن جوعالتتى. بيىل جاپون اكتسيالارى ءوزىنىڭ قۇندىلىعىن كورسەتتى جانە الداعى ۋاقىتتا سۇرانىسقا يە بولۋى دا بەك مۇمكىن. اقش-تاعى اكتسيالارنىڭ قۇنىنا الاڭدايتىن كەز كەلگەن ينۆەستوردىڭ شىعىستا جەمىستى جۇمىس ىستەۋىنە مۇمكىندىك بار.
مايك بەرد,
Wall Street Journal