جاڭا زەلانديادا ۆيرۋس جۇقتىرعان ناۋقاستىڭ انىقتالماعانىنا 17 كۇن بولدى. ال سوڭعى ون كۇندە ەل تۇرعىندارى وكلەند قالاسىندا تۇراتىن 50-لەر شاماسىنداعى سوڭعى ناۋقاستىڭ جازىلعانىن كۇتكەن. بۇگىن دەنساۋلىق ساقتاۋ مينيسترلىگى COVID-19-دان ەمدەلىپ جاتقان ادامنىڭ جوق ەكەنىن رەسمي مالىمدەدى.
بۇل جاڭالىققا قۋانعان ەل بيلىگى بىرەر ساعاتتان سوڭ جاڭا زەلانديادا بۇگىن تۇننەن باستاپ بارلىق شەكتەۋ شارالارى الىناتىنىن حابارلادى. دەگەنمەن ەل شەكاراسى ءالى دە جابىق بولادى. ەرتەڭنەن باستاپ ارا قاشىقتىق ساقتاۋ مەن كوپ ادام جينالۋعا تىيىم سالعان ەرەجەلەر كۇشىن جويادى.
ۋەللينگتون قالاسىندا وتكەن ءباسپاسوز ماسليحاتىندا پرەمەر-مينيستر دجاسيندا اردەرن ء«بىز دايىنبىز»,- دەپ مالىمدەگەن. ول سونداي-اق جاڭا زەلانديالىقتاردىڭ ۆيرۋسپەن كۇرەستە بىلدىرگەن ىنتىماقتىعى مەن بىرلىگى ءۇشىن العىس ايتتى.
جاڭا زەلانديا ءوزىن كوروناۆيرۋستان ازاتپىز دەپ جاريالاعانىمەن, ۆيرۋستى انىقتاۋ شارالارىن توقتاتپايدى. ماسەلەن, شەكارادان وتكەن كەز كەلگەن ادام ەكى اپتادا بويى باقىلاۋدا بولىپ, ودان وسى ارالىقتا ەكى رەت تەست الىنادى. جالپى شەكارا قىزمەتىندەگى بارلىق ادام تەستىلەۋدەن ءوتۋى كەرەك.
دجاسيندا اردەرن ەلدى جابۋ تۋرالى شەشىمدى ناۋقاستار سانى از بولعانىنا قاراماستان 25 ناۋرىزدا قابىلدادى. جاڭا زەلانديادا بارلىعى 1 504 ادام ۆيرۋس جۇقتىرىپ, 22 ناۋقاس قايتىس بولدى.