قر ەڭبەك جانە حالىقتى الەۋمەتتىك قورعاۋ ءمينيسترىنىڭ شتاتتان تىس كەڭەسشىسى ايجاني نۇرلانوۆا ستاتسيونارلىق تيپتەگى مەديتسينالىق-الەۋمەتتىك مەكەمەلەردە قىزمەت الۋشىلاردىڭ قۇقىقتارى مەن زاڭدى مۇددەلەرىنىڭ ساقتالۋىن قامتاماسىز ەتۋ ماقساتىندا, شىمكەنت قالاسى اكىمدىگىنىڭ № 6 بالالار ارناۋلى الەۋمەتتىك قىزمەتتەر كورسەتۋ ورتالىعىندا بولىپ, ۋاقىتشا تۇرۋشىلاردىڭ ءومىر ءسۇرۋ جاعدايلارىمەن تانىسىپ جانە ولاردى وڭالتۋ بويىنشا ۇسىنىستار بەردى. بۇل تۋرالى مينيسترلىكتىڭ ءباسپاسوز قىزمەتى حابارلادى.
بۇل مەكەمە 1,5 جاستان 18 جاسقا دەيىنگى پسيحونەۆرولوگيالىق اۋىتقۋلارى بار مۇگەدەك بالالارعا ستاتسيونار جانە جارتىلاي ستاتسيونار جاعدايىندا ارناۋلى الەۋمەتتىك قىزمەت كورسەتەدى.
ورتالىق 300 توسەك-ورىنعا ەسەپتەلگەن. قازىرگى ۋاقىتتا ستاتسيوناردا 150 بالا, جارتىلاي ستاتسيونار جاعدايىندا – 103 بالا وڭالتۋدان وتۋدە
ورتالىق مىناداي قىزمەت تۇرلەرىن جۇزەگە اسىرادى:
- بالالارعا الەۋمەتتىك-تۇرمىستىق قىزمەت كورسەتۋ, جاسىنا جانە دەنساۋلىق جاعدايىنا بارىنشا سايكەس كەلەتىن ءۇي جاعدايىنا جاقىن ءومىر ءسۇرۋ جاعدايلارىن جاساۋ;
- بالالارعا كۇتىم جاساۋدى قامتاماسىز ەتۋ, ولارعا الەۋمەتتىك- مەديتسينالىق قىزمەت كورسەتۋ;
- الەۋمەتتىك-ەڭبەك قىزمەتتەرىن كورسەتۋ;
- الەۋمەتتىك-مادەني قىزمەت كورسەتۋ;
- الەۋمەتتىك-پسيحولوگيالىق قىزمەت كورسەتۋ;
- الەۋمەتتىك-پەداگوگيكالىق قىزمەت كورسەتۋ;
- الەۋمەتتىك-ەكونوميكالىق قىزمەت كورسەتۋ;
- الەۋمەتتىك-قۇقىقتىق قىزمەت كورسەتۋ.
ايجاني نۇرلانوۆا مەكەمەدەگى جاعدايمەن, تۇرمىستىق جاعدايلارمەن جانە ۋاقىتشا تۇرۋشىلاردىڭ وڭالتۋ باعدارلامالارىمەن تانىستى.
مەكەمە باسشىلىعىمەن اڭگىمە بارىسىندا جۇرگىزىلگەن جوندەۋ جۇمىستارىنىڭ بارىسىن باقىلاۋ جانە بالالاردى قوسىمشا زاماناۋي وڭالتۋ قۇرالدارىمەن قامتاماسىز ەتۋ قاجەتتىگىن اتاپ ءوتتى.
سونداي-اق ايجاني نۇرلانوۆا قىزمەتكەرلەر اراسىندا پسيحولوگيالىق وقۋ كۋرستارىن وتكىزۋ, ولاردى جىلىنا ەكى رەت ساناتوريالىق-كۋرورتتىق ەمدەلۋگە جىبەرۋ جانە پسيحولوگيالىق شارشاۋعا جول بەرمەۋ ءۇشىن موتيۆاتسيالىق ءىس-شارالاردى وتكىزۋ بويىنشا ۇسىنىستار بەردى.