5 ماۋسىمدا پۋترادجايا قالاسىندا ەلشى بولات يمانباەۆ مالايزيانىڭ كورنەكتى مەملەكەت قايراتكەرى ماحاتحير موحامادپەن كەزدەستى. بۇل تۋرالى ءسىم ءباسپاسوز قىزمەتى حابارلادى.
ەلشى سۇحباتتاسۋشىعا ەكىجاقتى قارىم-قاتىناستاردىڭ قازىرگى احۋالى تۋرالى حابارلاپ, قازاقستان ساياساتىنىڭ باسىمدىقتارىمەن تانىستىرىپ ءوتتى. سونىمەن بىرگە, ەلىمىزدىڭ بارلىق سالالارىنداعى ساباقتاستىق ساياساتىنا سايكەس قازاقستان رەسپۋبليكاسى پرەزيدەنتى ق.توقاەۆتىڭ جۇزەگە اسىرىپ جاتقان ساياسي وزگەرىستەر مەن ەكونوميكالىق رەفورمالاردىڭ ماڭىزدىلىعى اتلىپ ءوتتى.
ءوز كەزەگىندە م.موحاماد 1992 جىلى ديپلوماتيالىق قاتىناستار ورناعاننان بەرى ەكىجاقتى ىنتىماقتاستىق قارقىندى دامىپ كەلە جاتقاندىعىن اتاپ ءوتتى. م.موحاماد قازاقستان مالايزيا ءۇشىن ەرەكشە قىزىعۋشىلىق تانىتاتىنىن جانە ەكى ەل اراسىنداعى ءتۇرلى سالالارداعى ىنتىماقتاستىق زور الەۋەتكە يە ەكەندىگىنە نازار اۋداردى. بۇرىنعى پرەمەر-مينيستر قازاقستان رەسپۋبليكاسىنىڭ تۇڭعىش پرەزيدەنتى ن.نازارباەۆپەن جوعارى دەڭگەيدەگى جانە حالىقارالىق ءىس-شارالار شەڭبەرىندەگى ءوزارا ساپارلاردىڭ اياسىندا وتكەن كەزدەسۋلەردى جىلى ىقىلاسپەن ەسكە الدى. سونىمەن قاتار, ەلباسىنىڭ كەلە جاتقان مەرەيتويىنا بايلانىستى ىزگى تىلەكتەرىن جەتكىزىپ, قازاقستان حالقىنا ودان ءارى گۇلدەنۋدى تىلەدى.