دەنساۋلىق ساقتاۋ ۆيتسە-ءمينيسترى ولجاس ابىشەۆ دەنساۋلىق ساقتاۋ مينيسترلىگىنىڭ مەدياورتالىعىندا وتكەن ونلاين بريفينگتە ەلىمىزگە شەتەلدەن كەلەتىن ازاماتتاردىڭ مالىمەتتەرى قالاي تىركەلەتىنى جايىندا ايتتى.
«2 اپتا بۇرىن ىشكى ترانزيت پەن سىرتقى ترانزيتتەگى ازاماتتاردى تىركەيتىن ەدىك. بىراق قازىر باس دارىگەردىڭ جاڭا قاۋلىسى بويىنشا جاڭا الگوريتم قابىلداندى. قازاقستاننىڭ ىشىندەگى ازاماتتاردىڭ مالىمەتتەرى جينالمايتىن بولدى. تەك قانا شەتەلدەن كەلەتىن نەمەسە شەتەلگە شىعاتىن ازاماتتاردىڭ مالىمەتتەرى جيناقتالادى. ىشكى ترانزيتتەگى ازاماتتاردىڭ سيمپتومدارى انىقتالعان كەزدە عانا مالىمەتتەرىن تىركەپ, اۋرۋحاناعا جاتقىزامىز», - دەدى ولجاس ابىشەۆ.