اقش پرەزيدەنتى دونالد ترامپ ءوزىنىڭ جاپپاي نارازىلىق كەزىندە دەمونسترانتتاردان قورقىپ اق ءۇي استىنداعى بۋنكەرگە تىعىلعاندىعى تۋرالى تاراپ كەتكەن حاباردىڭ جالعاندىعىنايتتى. بۇل جايىندا ترامپ Fox News راديوستانتسياسىندا مالىمدەدى. «مەن وندا كۇندىز, بۋنكەردى تەكسەرۋ ءۇشىن ءتۇستىم. ال ول كەزدە جاعداي تىنىش بولاتىن. تومەندە بوگەلگەمىن دە جوق. ول وتە-وتە قىسقا ۋاقىتتى قامتىدى», - دەپ مالىمدەدى ترامپ.
ول سونداي-اق ۆاشينگتونداعى قازىرگى جاعدايعا كوڭىلى تولاتىندىعىن اتاپ وتكەن.مۇنىڭ الدىندا اقش پرەزيدەنتىنىڭ زايىبى مەلاني ترامپ جانە بالاسى بەررونمەن بىرگە نارازىلىق ءورشىپ تۇرعان كەزدە بۋنكەرگە تۇسكەندىگى تۋرالى حاباردى New York Times گازەتى 30 مامىر كۇنى جاريالاعان بولاتىن. باسىلىمنىڭ اتاپ وتكەنىندەي, 29 مامىر كۇنى كەشكە دەمونسترانتتار اق ءۇي قاقپاسىنىڭ الدىنداعى تەمىر بارريكادانى قوزعاي باستاعان كەزدە پرەزيدەنت بۋنكەرگە تۇسىرىلگەن. حاباردا پرەزيدەنتتىڭ ساسقالاقتاپ قالعانى ايتىلعان.ءوز كەزەگىندە CNN تەلەارناسى ترامپتىڭ بۋنكەردە ءبىر ساعاتقا جۋىق ۋاقىت بويى بولعاندىعىن حابارلاعان ەدى.