الماتى وبلىسى پوليتسياسىنىڭ قولدا بار كۇشتەرى مەن قۇرالدارىن ۇتىمدى پايدالانۋ ارقاسىندا بيىلعى جىلدىڭ بەس ايىنىڭ قورىتىندىسى بويىنشا قىلمىس دەڭگەيىن 36,7 پايىزعا تومەندەتۋگە قول جەتكىزىلدى, دەپ حابارلادى ءىىم ءباسپاسوز قىزمەتى.
الماتى وبلىسى پوليتسەيلەرىنىڭ ماتەريالدىق جاراقتانۋى قىلمىستار مەن قۇقىق بۇزۋشىلىقتاردى دەر كەزىندە انىقتاۋعا جانە ولاردىڭ الدىن الۋعا مۇمكىندىك بەرەدى.
– ىشكى ىستەر ورگاندارىنىڭ ماتەريالدىق-تەحنيكالىق بازاسىن جەتىلدىرۋگە مەملەكەت تاراپىنان وتە ۇلكەن كوڭىل بولىنۋدە. ول قىلمىسپەن كۇرەسۋگە, قۇقىق بۇزۋشىلىقتاردىڭ الدىن الۋعا سەپتىگىن تيگىزىپ, زاڭدىلىقتى ورناتۋعا جانە ازاماتتاردىڭ قۇقىعىن قورعاپ, قوعامدىق ءتارتىپتى ورناتۋعا اسەر ەتەدى. قوعامداعى قۇقىق بۇزۋشىلىقتىڭ الدىن الۋدا, سونداي-اق جول قوزعالىسى قاۋىپسىزدىگىن قامتاماسىز ەتۋدە پاترۋلدىك پوليتسيانىڭ اۆتوەكيپاجدارى, ۋچاسكەلىك پوليتسيا ينسپەكتورلارى مەن سىرتقى قىزمەت وكىلدەرى ۇلكەن رولگە يە, – دەدى الماتى وبلىسى پد تىلمەن قامتاماسىز ەتۋ باسقارماسىنىڭ باسشىسى ەرلان سارسەنباەۆ.
اۆتوكولىكتەر وقيعا ورنىنا ءتارتىپ ساقشىلارىنىڭ شۇعىل جەتۋى ءۇشىن پايدالانىلادى. ول كوپتەگەن قىلمىستاردى ء“ىزىن سۋىتپاي” اشۋعا مۇمكىندىك بەرەدى, جول ەرەجەسىن ورەسكەل بۇزۋ دەرەكتەرىن اشكەرەلەپ, جول-كولىك اپاتتارىنا جەدەل ارەكەت ەتەدى, ياعني جول قاۋىپسىزدىگىن قامتاماسىز ەتەدى.
– جەرگىلىكتى اتقارۋشى ورگاندار ىشكى ىستەر ورگاندارىنىڭ ماتەريالدىق-تەحنيكالىق بازاسىن جەتىلدىرۋگە ەرەكشە كوڭىل بولەتىنىن اتاپ وتكىم كەلەدى. بۇل قىلمىسپەن كۇرەسۋ جانە قۇقىق بۇزۋشىلىقتاردىڭ الدىن الۋ بويىنشا العا قويىلعان مىندەتتەرگە قول جەتكىزۋگە جانە قالاداعى ءتارتىپتى قامتاماسىز ەتۋگە, ازاماتتاردىڭ قۇقىعى مەن زاڭدى مۇددەلەرىن قورعاۋعا مۇمكىندىك بەرەدى, – دەپ تولىقتىردى ەرلان سارسەنباەۆ.