قاراعاندى وبلىسىندا وتكەن تاۋلىك ىشىندە 68 تۇرعىننان كوروناۆيرۋس ينفەكتسياسىنىڭ بەلگىسى تابىلدى, دەپ حابارلادى وبلىس اكىمىنىڭ ءباسپاسوز قىزمەتى. سونداي-اق كەشە كۆي-مەن اۋىرعان ءبىر ناۋقاستىڭ قايتىس بولعانى رەسمي تىركەلدى.
اۋىرعاندار ىندەتتى بۇرىن جۇقتىرعاندارمەن جاقىن قارىم-قاتىناستا بولعان ادامداردى تەكسەرۋ كەزىندە جانە سكرينينگ بارىسىندا انىقتالدى. ولاردىڭ ىشىندە قاراعاندىنىڭ 39 تۇرعىنى بار. سونداي-اق, كۆي بەلگىلەرى تەمىرتاۋ قالاسىنىڭ 18 تۇرعىنىنان جانە اباي, بۇقار جىراۋ, شەت, ۇلىتاۋ اۋداندارىنىڭ تۇرعىندارىنان دا راستالدى.
قازىرگى ۋاقىتتا پاتسيەنتتەردىڭ دەنساۋلىق جاعدايى قاناعاتتانارلىق. جۇقتىرۋ وشاقتارىندا دەزينفەكتسيالىق ءىس-شارالار جۇرگىزىلدى.
سوڭعى مالىمەتتەرگە ساي, قاراعاندى وبلىسىندا كۆي جۇقتىرۋدىڭ 1 024 وقيعاسى رەسمي تۇردە تىركەلگەن. ونىڭ ىشىندە ءتورت ناۋقاس كوز جۇمدى جانە 314 ادام ىندەتتى دارىگەرلەردىڭ كومەگىمەن جەڭىپ شىقتى.