كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا جامبىل وبلىسىندا تاعى 7 ادامنىڭ ىندەت جۇقتىرعانىن حابارلادى.
- وبلىس ورتالىعىندا 1962, 1977, 1995, 1996 جىلدارى تۋعان ءتورت ادامدا ۆيرۋس انىقتالدى, ولاردىڭ ۇشەۋى ەپيدەميولوگيالىق كورسەتكىشتەر بويىنشا انىقتالسا, بىرەۋى ۆيرۋستى جۇقتىرعان اداممەن بايلانىستا بولعان. سونداي-اق ت. رىسقۇلوۆ اتىنداعى اۋداندا بۇعان دەيىن ۆيرۋستى جۇقتىرعان ناۋقاسپەن تىعىز بايلانىستا بولعان 1957, 1980, 1992 جىلدارى تۋعان تۇرعىندار اراسىندا كوروناۆيرۋس انىقتالدى. بارلىق ناۋقاستار جۇقپالى اۋرۋلار اۋرۋحاناسىنا جەتكىزىلدى, ولارمەن بايلانىسقان ادامدار كارانتينگە باقىلاۋعا الىندى. اۋرۋ وشاقتارىندا دەزينفەكتسيا جۇرگىزىلدى, - دەلىنگەن حابارلامادا.
وتكەن تاۋلىكتەگى جاعداي بويىنشا جامبىل وبلىسىندا كوروناۆيرۋس ينفەكتسياسىن جۇقتىرعان 405 ادام تىركەلدى, ولاردىڭ ىشىندە 209-ى جازىلىپ شىقتى جانە دارىگەرلەردىڭ باقىلاۋىندا ءۇي كارانتينى تالاپتارىن ساقتاپ وتىر.