كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا اقتوبە وبلىسىندا تاعى 4 ادامنىڭ كوروناۆيرۋس جۇقتىرعانىن حابارلادى.
بەلگىلى بولعانداي, ۆيرۋس جۇقتىرعانداردىڭ 3-ەۋى اقتوبە قالاسىندا, 1-ەۋى شالقار اۋدانىندا تىركەلگەن. 1976, 1985, 1989 جىلدارى تۋعان 3 ناۋقاس جرۆي سيمپتومدارىنىڭ پايدا بولۋىنا بايلانىستى مەديتسينالىق كومەككە جۇگىنگەن كەزدە COVID-19-عا تەكسەرىلگەن, 1970 جىلعى ەر ادام بۇعان دەيىن كوروناۆيرۋس ينفەكتسياسىن جۇقتىرعان اداممەن بايلانىستا بولعان. بارلىعى جۇقپالى اۋرۋلار اۋرۋحاناسىنا جاتقىزىلدى. ولارمەن قارىم-قاتىناستا بولعان ادامدار مەديتسينالىق باقىلاۋعا الىندى. ەپيدەميولوگيالىق تەرگەۋ جۇمىستارى قولعا الىنعان.
وتكەن تاۋلىكتەگى جاعداي بويىنشا اقتوبە وبلىسىندا كوروناۆيرۋس ينفەكتسياسىن جۇقتىرعان جالپى 367 ادام تىركەلگەن, ولاردىڭ ىشىندە 196-سى جازىلىپ شىققان.