حالىقارالىق بالالاردى قورعاۋ كۇنىنە وراي جامبىل وبلىسىنىڭ اكىمى بەردىبەك ساپارباەۆ تاراز قالاسىنداعى بىرقاتار نىسانداردى ارالادى. اۋەلى اكىم جاستارمەن «Birgemiz: Asyl mura» ورتالىعىندا كەزدەستى.
مۇندا بۇگىندە جاستار ەرىكتى بولۋدىڭ قىر-سىرىن ۇيرەنۋدە. جاستار باستامالارىنىڭ ورتالىعىندا ەرىكتىلەردىڭ جۇمىسىن ۇيلەستىرۋگە ارنالعان الاڭ بار جانە فرونت-وفيس جۇمىس ىستەيدى. مۇندا وڭىردەگى جاستار ساياساتىنىڭ نەگىزگى باعىتتارى بويىنشا كەڭەستەر بەرۋ جۇمىستارى جۇرگىزىلۋدە. ورتالىقتا 60 ادامعا ارنالعان بولمە, كينو زالى, جاستاردىڭ بوس ۋاقىتىن ءتيىمدى پايدالانۋ ورنى جانە جاستارعا قىزمەت كورسەتۋ ورتالىعى جۇمىس ىستەيدى. كەزدەسۋ بارىسىندا ب.ساپارباەۆ كارانتين كەزىندە ء«بىز بىرگەمىز» ۇرانىمەن مۇقتاج جاندارعا ازىق-ت ۇلىك سەبەتتەرىن جەتكىزۋگە اتسالىسقان ەرىكتىلەرگە العىسىن ءبىلدىردى.
سونىمەن قاتار ب.ساپارباەۆ ينكليۋزيۆتى بالالار ويىن الاڭشاسىن دا كوردى. اتالعان ويىن الاڭشاسىنىڭ قۇرىلىسى «دارا» قايىرىمدىلىق قورىنىڭ قولداۋىمەن جۇرگىزىلگەن. ينكليۋزيۆتى ويىن الاڭشاسىنىڭ بارلىق كومپونەنتتەرى امبەباپ ديزاينمەن ۇيلەسىم تاپقان جانە وتاندىق وندىرۋشىلەردىڭ كەدەرگىسىز ورتا تالاپتارىن ەسكەرە وتىرىپ ارنايى ازىرلەنگەن. جاڭا الاڭنىڭ ويىن ەلەمەنتتەرى – كارۋسەل, قۇمسالعىش, توبەشىك, ينتەراكتيۆتى پانەلدەر جانە وزگە دە كوپتەگەن ەلەمەنتتەر بارلىق بالالار ءۇشىن وڭتايلى جوبالانعان. ينكليۋزيۆتى الاڭ بالالاردىڭ بىرگە ۋاقىت وتكىزىپ, ولاردىڭ بەلسەندى دامۋىنا وڭ اسەرىن تيگىزەدى. ويىن الاڭى قالانىڭ اشىق اۋماعىندا ورنالاسقان. بۇل قالا تۇرعىندارىنىڭ, اسىرەسە ەرەكشە قاجەتتىلىكتەرى بار بالالاردىڭ جالپىعا قولجەتىمدى ورىندا بوس ۋاقىتتارىن وتكىزۋگە مۇمكىندىك بەرەدى. سونداي-اق اتالعان الاڭ بالالاردىڭ دامۋ ەرەكشەلىكتەرى مەن ولاردىڭ قاجەتتىلىكتەرىن ەسكەرە وتىرىپ, قالالىق ينفراقۇرىلىمدى جاقسارتۋدىڭ ۇلگىسى رەتىندە سالىنعان.
سونىمەن قاتار ب.ساپارباەۆ تاراز قالاسى, «قاراتاۋ». (2) شاعىن اۋدانىنداعى بالالار ويىنى الاڭى جانە سپورتتىق كەشەنىندە دە بولدى. اتالعان الاڭداردى «مەنىڭ ەلىم» باعدارلاماسى اياسىندا «Samruk-Kazyna Trust» الەۋمەتتىك جوبالاردى دامىتۋ قورى ورناتقان. امبەباپ الاڭداردى ورناتۋداعى ماقسات – حالىقتىڭ سالاماتتى ءومىر سالتىن قالىپتاستىرۋ جانە ولاردىڭ بوس ۋاقىتىن ءتيىمدى ۇيىمداستىرۋ. اشىلعان الاڭدار تۇرعىندارعا, اسىرەسە جاس ۇرپاقتىڭ ءوز الەۋەتىن ىسكە اسىرۋعا جانە جاڭا بيىكتەردى باعىندىرۋعا سەرپىن بەرەدى. سول سياقتى وبلىس اكىمى تاراز قالاسى اكىمدىگى ءبىلىم ءبولىمىنىڭ مۇمكىندىگى شەكتەۋلى بالالارعا ارنالعان №2 پسيحولوگيالىق-پەداگوگيكالىق تۇزەتۋ ورتالىعىنا دا باردى. اتالعان نىسان «قازاقستاندا ءار الۋان, بىراق تەڭ ينكليۋزيۆتى قوعام قۇرۋ!» جوباسى اياسىندا ەرەكشە ءبىلىم بەرۋدى قاجەت ەتەتىن بالالارعا جانە ولاردىڭ وتباسىلارىنا ءتيىمدى كومەك كورسەتۋ ماقساتىندا «دارا» قايىرىمدىلىق قورىنىڭ دەمەۋشىلىگىمەن اعىمداعى جوندەۋدەن وتكىزىلگەن. سونىمەن قاتار پسيحولوگيالىق-پەداگوگيكالىق تۇزەتۋ كابينەتى اشىلىپ, مەكەمە قاجەتتى قۇرال-جابدىقتارمەن قامتاماسىز ەتىلگەن. كابينەتتەردە بالالار ءۇشىن دەفەكتولوگ, لوگوپەد مۇعالىمدەرى, پەداگوگ-پسيحولوگ ماماندارى, سۋردوپەداگوگ, الەۋمەتتىك پەداگوگ, مەدبيكە-ماسساجشى, ادىسكەرلەر جانە وزگە دە ماماندار قىزمەت ەتەدى. الداعى ۋاقىتتا تاراز قالاسىنداعى «جايلاۋ» (3), «سالتانات» (4), «تالاس» (6), «سامال» (7), «الاتاۋ» (8) شاعىن اۋداندارىندا تۇراتىن, قازىرگى ۋاقىتتا №1 پسيحولوگيالىق-پەداگوگيكالىق تۇزەۋ كابينەتىنە بارىپ جۇرگەن 150 بالاعا قىزمەت كورسەتىلەتىن بولادى.
جامبىل وبلىسى