بۇل تۋرالى يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ حالىق الدىندا ەسەپ بەرۋ كەزدەسۋىندە ايتتى.
- حالىقتىڭ ءومىر ءسۇرۋ ساپاسىن جاقسارتۋ ماقساتىندا «نۇرلى جەر» تۇرعىن ءۇي قۇرىلىسى باعدارلاماسى جۇمىس ىستەپ جاتىر. سوڭعى 3 جىلدا باعدارلاما شەڭبەرىندە 36,8 ملن شارشى مەتر تۇرعىن ءۇي نەمەسە 330 مىڭنان استام تۇرعىن ءۇي سالىندى. ءبىر تۇرعىنعا تۇرعىن ءۇيدى ىسكە قوسۋ كورسەتكىشى 0,71 شارشى مەترگە جەتتى. بۇل تمد ەلدەرى اراسىنداعى ەڭ جوعارى كورسەتكىش جانە دامىعان ەلدەر دەڭگەيىنە جاقىن. بىلتىر 13,1 ملن شارشى مەتر جاڭا تۇرعىن ءۇي سالىنىپ, 116 مىڭ وتباسى باسپانا جاعدايىن جاقسارتتى, - دەدى بەيبىت اتامقۇلوۆ.
ونىڭ ايتۋىنشا, الەۋمەتتىك وسال جاعدايداعى 11 مىڭ وتباسى جانە مەگاپوليس-قالالاردا جۇمىس ىستەيتىن 3 مىڭ جاس الەۋمەتتىك جالعا بەرىلەتىن تۇرعىن ۇيمەن قامتاماسىز ەتىلگەن.
- 10 مىڭعا جۋىق وتباسى قولجەتىمدى باعامەن الەۋمەتتىك نەسيەلىك تۇرعىن ءۇي ساتىپ الدى. «باقىتتى وتباسى» باعدارلاماسىمەن 5 مىڭ وتباسى تۇرعىن ءۇي الدى. بۇلار - كوپبالالى, تولىق ەمەس وتباسىلار جانە مۇگەدەك بالالارى بار وتباسىلار. بيىل بۇل باعىتتاردى ىسكە اسىرۋ جالعاسادى. 15 ملن شارشى مەتر تۇرعىن ءۇي سالۋ (150 مىڭ تۇرعىن ءۇي) جانە 39 مىڭنان استام وتباسىن مەملەكەتتىك قولداۋمەن قامتۋدى جوسپارلانۋدا, - دەدى مينيستر.