ساياسي قۋعىن-سۇرگىن قۇرباندارى تۋرالى دەرەكتەر بازاسى بار «مەموريال» ونلاين-سەرۆيسى جاقىندا ءىىم جاڭا پورتالىندا جۇمىس ىستەيدى, دەپ حابارلادى ىشكى ىستەر مينيسترلىگىنىڭ ءباسپاسوز قىزمەتى.
بۇل الەۋمەتتىك ماڭىزدى سەرۆيس ءىىم ۆەدومستۆولىق ۆەب-سايتىندا قۋعىن-سۇرگىنگە ۇشىراعان ادامدار جانە ولاردى اقتاۋ تۋرالى اقپاراتقا قول جەتكىزۋدى قامتاماسىز ەتۋ ءۇشىن قۇرىلدى. «مەموريال» اقپاراتتىڭ ۇلكەن كولەمىن قامتيدى. مۇندا ساياسي تۇتقىندار مەن ولاردىڭ وتباسى مۇشەلەرىنە قاتىستى جالپى سانى 109 مىڭ 186 ءىس بار.
تەك 2019 جىلى عانا ءىىو مۇراعاتتارىنا «مەموريال» سەرۆيسى ارقىلى قۋعىن-سۇرگىنگە ۇشىراعانداردىڭ تۋىسقاندارىنان, زەرتتەۋشىلەردەن, قوعامدىق ۇيىمدار مەن مەملەكەتتىك ورگانداردان 2000-نان استام ءوتىنىش كەلىپ ءتۇستى.
اقتالعان ازاماتتار نەمەسە ولاردىڭ وكىلدەرى, ول ازاماتتار قايتىس بولعان جاعدايدا تۋىستارى قىلمىستىق ىستەردەگى پروتسەسسۋالدىق ەمەس قۇجاتتارمەن تانىسۋعا, سونداي-اق وسى ىستەردە ساقتالعان قولجازبالاردى, فوتوسۋرەتتەردى جانە باسقا دا جەكە قۇجاتتاردى نە ولاردىڭ كوشىرمەلەرىن الۋعا قۇقىلى.
«مەموريال» سەرۆيسى بىرنەشە حالىقارالىق سۇرانىستار بويىنشا اقپاراتتى قالپىنا كەلتىرۋگە كومەكتەستى. ءىىم مۇراعاتىنا قىرىم اۆتونوميالىق رەسپۋبليكاسىنان ءوتىنىش كەلىپ ءتۇستى, قىرىم تاتارلارىنا قاتىستى 34 قىلمىستىق ءىس تابىلدى. مۇراعات قىزمەتكەرلەرى رف چيار «ينگۋشەتيا تىرەگى» قوعامدىق قوزعالىسىنىڭ سۇرانىسىنا جاۋاپ رەتىندە شەشەن جانە ينگۋش ۇلتتارىنىڭ وكىلدەرىنە جۇرگىزىلگەن 790 قىلمىستىق ءىستى كوتەردى. سونداي-اق, قۋعىن-سۇرگىنگە ۇشىراعان ەۆرەي ۇلتىنىڭ وكىلدەرىنە قاتىستى ىستەردى ىزدەستىرۋ جۇمىستارى جۇرگىزىلدى. ناتيجەسىندە 800 مۇراعاتتىق قىلمىستىق ءىس تابىلدى.