شىمكەنت قالاسىنىڭ اكىمى مۇرات ايتەنوۆ قالا ەكونوميكاسىنىڭ دامۋىنا ايتارلىقتاي ۇلەس قوسىپ كەلەتىن «وڭتۇستىك» يندۋستريالدى ايماقتا ورنالاسقان بىرقاتار كاسىپورىنداردىڭ جۇمىسىمەن تانىستى.
ونداعى كاسىپكەرلەرگە مەملەكەت تاراپىنان كورسەتىلەتىن قولداۋلاردى اتاپ ءوتىپ, ىسكەر ازاماتتارمەن پىكىر الماستى.
كاسىپورىندار ەكونوميكانى ءارتاراپتاندىرۋ ىسىندە تىرەك كۇشكە اينالۋ كەرەك ەكەنىن ايتقان قالا باسشىسى ءوندىرىلىپ جاتقان ءونىمنىڭ ەكسپورتىن ارتتىرۋعا باسىمدىق بەرۋدى اتاپ ءوتتى. سونىمەن قاتار, ول ونەركاسىپ ءوندىرىسىنىڭ كولەمىن ارتتىرۋعا جانە كاسىپكەرلىكتىڭ دامۋى باعىتىندا بىرقاتار ناقتى تاپسىرمالار جۇكتەدى.
يندۋستريالىق ايماققا جاساعان ساپارى بارىسىندا قالا باسشىسى «شىمكەنت تەمiر» جشس-نiڭ بولات قۇيۋ زاۋىتىنىڭ قۇرىلىسىمەن تانىستى. 2018 جىلى iسكە قوسىلعان ءوندiرiستiڭ جالپى قۇنى 5,9 ملرد. تەڭگە بولىپ وتىر. جىلىنا 250 مىڭ توننا ءونiم شىعارۋعا قاۋقارلى كاسiپورىندا 300-گە جۋىق ادام جۇمىسپەن قامتىلعان.
زاۋىت - تمد ەلدەرiندە بالاماسى جوق, زاماناۋي قۇرىلعىلارمەن جابدىقتالعان. ءوندىرىس وشاعى تولىقتاي iسكە قوسىلعاندا جىلىنا 1 ميلليون توننا ءونiم الۋ جوسپارلانىپ, 2100 ادام جۇمىسپەن قامتىلادى دەپ كۇتىلۋدە.
اكىم تانىسقان كەلەسى نىسان «Ferrum-Vtor» جشس-نىڭ بولات قۇيۋ تسەحى. جوبانىڭ قۇنى 1 ملرد. 244 ملن. تەڭگەنى قۇرايدى, وندا 235 ازامات جۇمىسپەن قامتىلعان. مۇندا ەۋروپالىق ستاندارتتارعا ساي جانە باعا جاعىنان ءتيىمدى توت باسپايتىن بولات مەتالى شىعارىلادى.
بۇدان بولەك, مۇرات دۇيسەنبەك ۇلى اليۋميني سىمىن شىعاراتىن تسەح پەن بەتوننان قۇرىلىس ماتەريالدارىن وندىرەتىن كاسىپورىنداردى ارالاپ كوردى.
ايتا كەتەيىك, «وڭتۇستىك» يندۋستريالدى ايماقتا قازىرگى ۋاقىتتا جالپى قۇنى 41 ميلليارد تەڭگە بولاتىن 66 جوبا جۇزەگە اسىرىلىپ, 4 مىڭنان استام جۇمىس ورنى قۇرىلعان.