SpaceX باسشىسى يلون ماسك NASA-داعى ترانسلياتسيا بارىسىندا ىشىندە ۇشقىشى بار Crew Dragon كورابلىنىڭ عارىشقا ۇشىرىلۋىن «ادامداردىڭ مۋلتيپلانەتالىق تۇرگە اينالۋى باعىتىندا جاسالعان ءبىرىنشى قادامى», - دەپ باعالادى.
بۇل كورابلدى ادام جاسادى جانە ادامدار ءۇشىن جاسادى. «مەن ءدال وسى ساتتەردە باسىمىزدان ءوتىپ جاتقان وقيعانى ادامزات ماقتانىش ەتەدى دەپ ويلايمىن», - دەگەن ول Crew Dragon-ءنىڭ ۇشىرىلۋى كوڭىلى زەرتتەۋشىلىككە بۇراتىن ءاربىر ادامدى بەي-جاي قالدىرمايتىندىعىن جەتكىزدى. يلون ماسك ءوزىنىڭ ەرەكشە سەزىمدە ەكەنىن جاسىرمادى.سونىمەن قاتار ول «جەڭىستى» جاريالاۋعا ءالى ەرتە ەكەنىن مالىمدەدى. ەندى SpaceX الدىندا استروناۆتاردى جەرگە امان-ەسەن قوندىرۋ مىندەتى تۇر. سونان كەيىن مۇنداي ۇشۋلاردى جيىلەتۋ قاجەت.SpaceX يەسى وزىنە قويىلعان سۇراقتارعا جاۋاپ بەردى. «ايعا قاراي ۇشۋ بولا ما جانە ول قاشان بولادى؟», - دەگەن سۇراققا: «مەن مۇنداي ساپاردىڭ ەكى جىلدان كەيىن جۇزەگە اسۋىن قالار ەدىم, بىراق ول ءىس جۇزىندە ءتورت جىلدان كەيىن دە ورىندالۋى مۇمكىن», - دەپ جاۋاپ بەردى.