قالالىق دۋما توراعاسى 2 ملرد رۋبلگە جۋىقتاعان كىرىسىن جاريا ەتتى, - دەپ حابارلادى ربك. بۇل ونىڭ كىرىسى ءبىر جىلدا 79 ەسە وسكەندىگىن بىلدىرەتىن كورسەتكىش.
ول ءوز تابىسىنىڭ بۇلايشا كۇرت ءوسۋىن قولىنداعى باعالى قاعازدارىن ساتقاندىعىمەن تۇسىندىرگەن. الايدا شاپوشنيكوۆ باعالى قاعازداردىن ءتۇرى مەن تاريحى جونىندە دەرەك بەرمەگەن.ماسكەۋ قالالىق دۋماسىنىڭ سايتىندا جاريالانعان مالىمەتتەر بويىنشا الەكسەي شاپوشنيكوۆتىڭ يەلىگىندە الاڭى 269,5 كۆ. مەتر پاتەر,18,7 كۆ. مەتر ماشينە ورنى, Mercedes-Benz E-350 اۆتوكولىگى, سونداي-اق ۋاقىتشا پايدالانۋداعى الاڭى 277,7 كۆ. مەتر كوتتەدج بولعان.ۆيكيپەدياداعى مالىمەتتەرگە قاراعاندا, شاپوشنيكوۆ ۇزاق جىلدار ساياساتپەن شۇعىلدانىپ كەلگەن. وقىتۋشى بولعان. تەلەكانالداردىڭ بىرىندە باعدارلاما جۇرگىزگەن. مەنشىگىندەگى پاتەرىن يپوتەكالىق كرەديتكە العان كورىنەدى. 2014 جىلدان باستاپ ەكى سايلاۋ قاتارىنان قالالىق دۋماعا دەپۋتات بولىپ سايلانىپ, سودان بەرى وعان تۇراقتى توراعا بولىپ كەلەدى.