eSalyq ءموبيلدى قوسىمشاسىنداعى «سالىق ءاميانى» قىزمەتى سالىقتى جىلدام ءارى ءتيىمدى تولتىرۋعا سەپتەسىپ, بىرقاتار ماسەلەنى شەشۋگە سەپتەستى. بۇل تۋرالى پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا مەملەكەتتىك كىرىستەر كوميتەتى توراعاسىنىڭ ورىنباسارى تالعات ماماەۆ جانە اتالعان ۆەدومستۆونىڭ مەملەكەتتىك قىزمەتتەر دەپارتامەنتى دەربەس شوتتاردى اكىمشىلەندىرۋ جانە تولەمدەردى ەسەپكە الۋ باسقارماسىنىڭ باسشىسى دينارا كۇشىباەۆا ايتىپ بەردى.
تالعات ماماەۆتىڭ ايتۋىنشا, جاڭا قىزمەت قاتە تولەمدەر مەن نەگىزسىز ايىپپۇلداردى جويىپ قانا قويماي قايتارىمدار جانە ينكاسسالىق وكىمدەردىڭ سانىن ازايتىپ, سالىق تولەۋشىنىڭ شىعىندارىن ۇنەمدەۋمەن بىرگە بانكتەردىڭ كوميسسيالىق شىعىندارىنان قۇتىلۋعا سەپتىگىن تيگىزدى. وسىلايشا, جەكە تۇلعالار مەن كاسىپكەرلەر «سالىق ءاميانىن» تولتىرۋ ارقىلى بالاما سالىق تولەۋدىڭ مۇمكىندىگىن الدى.
«اميانداعى اقشا اۆتوماتتى تۇردە سالىق مىندەتتەمەلەرى پايدا بولعان سالىقتارعا ەسەپتەلەدى. بيۋدجەتتەگى بيىلعى جانە الداعى مىندەتتەمەلەردى سالىقتار جانە مەملەكەتتىك كىرىستەر ورگاندارى بولىمىندە تانىسۋ بولادى. سول سەكىلدى م ۇلىك سالىعى, جەر سالىعى جانە كولىك سالىعى بويىنشا سالىق سالۋ نىساندارى تۋرالى مالىمەتتەردى وسى جەردەن كورە الاسىزدار. بۇدان باسقا, ءوزىن-ءوزى جۇمىسپەن قامتىعان تۇلعالار ءۇشىن بىرىڭعاي جيىنتىق تولەمدى (بجت) تولەۋدىڭ قاراپايىم جانە ىڭعايلى سەرۆيسى ىسكە قوسىلدى. سونداي-اق وسى جىلدىڭ اياعىندا ۋاكىلەتتى ورگاندارمەن بىرلەسىپ, سالىق سالۋ نىساندارى تۋرالى مالىمەتتەردى تۇزەتۋ قىزمەتىن ەنگىزۋ جوسپارلانۋدا. ونىڭ نەگىزىندە جەكە تۇلعالارعا سالىق سالۋ نىساندارى تۋرالى اقپاراتتى جاڭارتۋ ءۇشىن ەلەكتروندى ءوتىنىش جىبەرۋگە مۇمكىندىك بەرىلەدى», - دەدى ت.ماماەۆ.
كوميتەتتىڭ ەكىنشى دەڭگەيلى بانكتەرمەن بىرىگۋىنىڭ ناتيجەسىندە سالىق تولەۋدىڭ ىڭعايلى جانە قاراپايىم قىزمەتتەرى ەنگىزىلدى. وسىلايشا, 2018 جىلدىڭ شىلدەسىنەن باستاپ, سالىق تولەۋشىلەرگە سالىق جانە الەۋمەتتىك تولەمدەر بويىنشا بەرەشەكتەردى مكك-ءنىڭ «سالىق تولەۋشىلەر كابينەتى» ۆەب-قوسىمشاسىندا, ۆەدومستۆو پورتالىنىڭ eSalyq ءموبيلدى نۇسقاسىندا جانە ەكىنشى دەڭگەيدەگى بانكتەردىڭ ءموبيلدى قوسىمشالارىندا (Homebank, Kaspi.kz جانە باسقالارى), سونداي-اق ەلەكتروندى ۇكىمەتتىڭ پورتالىندا (egov.kz) قاراپ, تولەۋ مۇمكىندىگى قاراستىرىلعان.
2020 جىلدىڭ 1 قازانىنا دەيىن جەكە تۇلعالارعا م ۇلىك سالىعى مەن جەر سالىعى بويىنشا الداعى تولەمدەر جانە كورسەتىلگەن قىزمەتتەر بويىنشا اقپارات بيىل ماۋسىم ايىندا ورنالاستىرىلادى دەپ كۇتىلۋدە.
وسى ورايدا سالىقتاردى تولەۋ تۋرالى اقپارات ەكىنشى دەڭگەيدەگى بانكتەردەن ونلاين رەجىمدە 2 مينۋت ىشىندە كەلىپ تۇسەتىنىن ايتا كەتكەن ورىندى. بۇل مەملەكەتتىك قىزمەتتەردى جىلدام كورسەتۋگە, جەكە بەت ەسەپتەردەن ءتيىستى اقپاراتتى ۇسىنۋعا جانە شوتتاردان بۇعاتتاردى ۋاقىتىلى الىپ تاستاۋعا جول اشتى دەپ ناقتىلادى سپيكەرلەر.