سقو ورتالىعى پەتروپاۆل قالاسىندا جەرگىلىكتى پوليتسيا مەن ۇلتتىق ۇلاننىڭ جاۋىنگەرلەرى كۇن سايىن ەكى اۋىسىممەن قالاداعى قوعامدىق ءتارتىپتىڭ ساقتالۋىن قاداعالاۋعا كوشەگە شىعادى. جالپى سانى 250 ادامدى قۇرايتىن پوليتسەيلەر 105 باعىتتا, سونىڭ ىشىندە 34 كۇندىز جانە 71 تۇندە كۇزەت اتقارادى. وسى جولداردى جازىپ وتىرىپ دەموكراتيانىڭ يگىلىكتەرىنە ريزا بولاسىڭ. بۇرىن مۇنداي سانداردى ميليتسيا قىزمەتى «قۇپيا» ۇستاپ, جاريالاي بەرمەيتىن...
جۋىردا پەتروپاۆلداعى تاۋەلسىزدىك ستەللاسىنىڭ تۇبىندە گارنيزوندىق دايىندىق تەكسەرىلدى. داستۇرگە ساي ونى سقو پوليتسيا دەپارتامەنتىنىڭ باستىعى, پولكوۆنيك مارات تولەباەۆتىڭ ءوزى جۇرگىزىپ, قىزمەتكەرلەردىڭ دايىندىعىن تەكسەردى.
ول, اسىرەسە پەتروپاۆل پوليتسيا باسقارماسىنا قارايتىن پاترۋلدىك پوليتسيا باتالونىنىڭ قامتاماسىز ەتىلۋىن مۇقيات قارادى. باتالوننىڭ تەحنيكالىق تۇرعىدان قامتاماسىز ەتىلۋى قازىر جوعارى تالاپتارعا ساي. پاترۋلدىك اۆتوموبيلدەردىڭ بارىندە پلانشەت پەن پرينتەرلەر بار.
كۇزەتتەگى پوليتسيا ەشقايدا بارماي, بۇزۋشىنى ەشقايدا قۋماي, ءبىر جەردە وتىرىپ-اق ايىپپۇلدىڭ تۇبىرتەگىن جازىپ بەرە الادى. وسى باتالوننىڭ 10 ءاۆتوموبيلى قازىر تۇرعىندار سۋعا تۇسەتىن قويمالاردىڭ ماڭىندا بولادى.
ولاردىڭ ءبارى سۋعا باتۋشىنى قۇتقاراتىن, باتىپ قالعان ماشينالاردى تارتاتىن قۇرال-سايماندارمەن جابدىقتالعان. «قاجەتتى تەحنيكالىق بازانىڭ بولعاندىعى ادامدارعا دەر كەزىندە كومەك قولىن سوزۋعا مۇمكىندىك بەرەدى.
قازىر قالا تۇرعىندارى شىجىعان ىستىقتىڭ سەبەبىنەن سۋعا تۇسۋگە جانتالاسىپ جاتىر. ءبىزدىڭ مىندەتىمىز –قانداي قيىنشىلىق جاعدايعا تۇسسە دە ادامدارعا جەدەل كومەك بەرۋ», - دەدى م.تولەباەۆ ءوزىنىڭ سوزىندە.
گارنيزوندىق دايىندىق بارىسىندا مارات تولەباەۆ كەزەكتى مەرزىمى كەلگەن جانە مىندەتىن ادال اتقارىپ جۇرگەن 11 قىزمەتكەرگە جاڭا شەننىڭ پوگوندارىن تابىس ەتتى. ءسويتىپ, سقو پوليتسياسى 3 كاپيتان, 4 اعا لەيتەنانت جانە 4 سەرجانتپەن تولىقتى. سونداي-اق جەكەمەنشىك كۇزەت اگەنتتىكتەرىنىڭ 5 قىزمەتكەرىنە العىس حاتتار تاپسىرىلدى.
پەتروپاۆل