جىل سايىن بۇكىل الەمدە 31 مامىردا دۇنيەجۇزىلىك تەمەكىگە قارسى كۇرەس كۇنى اتاپ وتىلەدى, ماقساتى بەلگىلى – بارىنشا حالىقتى سالاۋاتتى ءومىر سالتىنا ۇندەۋ, ءوز دەنساۋلىعىنا بەيعام قاراماۋعا بولىسۋ. ماسەلەن, 2020 جىلى جاستار اراسىنداعى پروفيلاكتيكالىق جۇمىستارعا كوبىرەك كوڭىل ءبولىنىپ وتىر.
– قازىرگى كەزدە 15-25 جاس ارالىعىنداعى جاستار زياندى ادەتتەرگە اۋەس بولىپ وتىر. جامان ادەتكە اكەلەتىن كوپتەگەن فاكتورلار بار, ال جاستار ەڭ وسال توپقا جاتادى. تەمەكى يندۋسترياسى ءوز جارناماسىن جاستارعا ونىمدەرىنىڭ تۇتىنۋشىلاردىڭ جاڭا بۋىنى رەتىندە باعىتتايدى. ءوز ونىمدەرىن بەلسەندى تۇردە ناسيحاتتاپ, ولاردى تارتىمدى ەتۋگە تىرىسادى.
20 جاسقا دەيىن شىلىم شەگۋدى باستاعان جاستاردا تاۋەلدىلىكتىڭ پايدا بولۋ قاۋپى جوعارىلايدى.تاۋەلدىلىكتەن باسقا, تەمەكى شەگۋدەن تۋىنداعان ءتۇرلى اۋرۋلاردىڭ پايدا بولۋ قاۋپى دە ارتاتىنى امبەگە ايان. كوبىنەسە تىنىس الۋ, جۇرەك-قانتامىر جانە اسقورىتۋ جۇيەلەرى زارداپ شەگەدى.
بۇرىن تەمەكى شەگۋشىلەردىڭ اراسىندا ەر ادامدار كوپ بولسا, بىراق قازىر بۇل تەندەنتسيا تەڭدەستىرىلىپ, ايەلدەردىڭ سانى دا كوبەيدى, – دەيدى كارديولوگيا جانە ىشكى اۋرۋلار عزي كۇندىزگى ستاتسيونارىنىڭ تەراپەۆت دارىگەرى گاۋحار كوجاكەەۆا.
دارىگەرلەر تەك جاستار عانا ەمەس, باسقا جاستاعى ادامدار ءۇشىن دە تاۋەلدىلىكتەن باس تارتۋ, دەنساۋلىق پەن ۇزاق ومىرگە قادام جاساۋعا ەشقاشان كەش ەمەستىگىن كەزەكتى رەت قاپەرگە سالىپ وتىر.
ال, دۇنيەجۇزىلىك تەمەكىگە قارسى كۇرەس كۇنىنىڭ پايدا بولۋى تاريحىنا كەلەتىن بولساق, 1988 جىلى امەريكا قۇراما شتاتتارىندا وكپەنىڭ قاتەرلى ىسىگى اۋرۋىنان بولاتىن ءولىم-ءجىتىمنىڭ ءوسۋىن بايقاعان ونكولوگ ماماندار تەمەكى شەگۋشىلەرگە ءبىر كۇن بولسا دا تەمەكىنى تاستاۋدى ۇسىندى, بۇل تەمەكىگە قارسى كۇرەستىڭ العاشقى قادامى بولدى. بۇل يدەيا بۇقارالىق اقپارات قۇرالدارىندا تەز تاراپ جانە وڭ ناتيجە بەرگەن ەكەن. سوندىقتان 1988 جىلى دۇنيەجۇزىلىك دەنساۋلىق ساقتاۋ ۇيىمى (ددۇ) 31 مامىردى دۇنيەجۇزىلىك تەمەكىگە قارسى كۇرەس كۇنى رەتىندە بەلگىلەۋگە شەشىم قابىلدادى.