قىزىلشاقا ءسابيدىڭ جانسىز دەنەسى جىتىقارا قالاسىنىڭ زيراتىنان تابىلعان. بۇل تۋرالى حابار اۋداندىق پوليتسياعا 27 مامىر كۇنى كەشكىلىك كەلىپ تۇسەدى.
«بالانىڭ ءمايىتىن قاراۋ بارىسىندا دەنەسىندە كوزگە تۇسەرلىك زاقىمدار انىقتالمادى. اتالعان وقيعا قىلمىستىق كودەكستىڭ 100-بابى بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىمىنە تىركەلىپ, ساراپتاما تاعايىندالدى. قازىر جاڭا تۋعان بالانىڭ اناسىن, سونداي-اق كۋالاردى انىقتاۋ ءۇشىن جەدەل-ىزدەستىرۋ شارالارى جۇرگىزىلۋدە.
جاس بوسانعان انا تابىلىپ, قىلمىسى انىقتالسا 4 جىلعا دەيىن باس بوستاندىعىنان ايىرۋ جازاسى تاعايىندالۋى مۇمكىن» - دەپ حابارلادى وبلىستىق پد-ءنىڭ ءباسپاسوز قىزمەتى.
قوستاناي وبلىسى