«دارىن» ورتالىعىنىڭ ۇيىمداستىرۋىمەن ونلاين رەجىمدە وتكەن «عىلىم الەمىن اشامىز» اتتى حالىقارالىق وليمپيادادا قوستاناي قالاسىنداعى نازارباەۆ زياتكەرلىك مەكتەبىنىڭ 10 سىنىپ وقۋشىلارى ءسانيا ومىرزاقوۆا مەن ديلارا ۋسەمباەۆا I ورىنعا يە بولدى. جاس عالىمدار تاعام قالدىقتارىنان پلاستيكالىق ماتەريال جاساپ شىعارۋدىڭ جولىن انىقتاعان.
- ءبىزدى ەكولوگيا ماسەلەلەرى الاڭداتادى. سوندىقتان تابيعي تۇردە ىدىرامايتىن جاساندى ماتەريال - پلاستماسسا قالدىقتارىنىڭ مولشەرىن ازايتۋ جولدارىن قاراستىردىق. ءبىر جىل ىشىندە ۇستازىمىزبەن كوپتەگەن تاجىريبە وتكىزىپ, ناتيجەسىندە وسىمدىك تاعامدارىنىڭ قالدىقتارىنان جاسالعان بيوپلاستيكانى ويلاپ تاپتىق. بۇل ماتەريالدىڭ باستى ەرەكشەلىگى – توپىراقتا وزدىگىنەن ىدىراپ, جوق بولىپ كەتەدى. ءبىز جاڭا ماتەريالدىڭ فيزيكالىق جانە حيميالىق قۇرامىن انىقتاپ, ونى جاساپ شىعارۋدىڭ تەحنولوگياسىن دا تاپتىق, - دەيدى جاس عالىمدار.
عارىشتىق زەرتتەۋلەر سالاسىنا قاتىستى وتكەن ونلاين-وليمپيادانىڭ قورىتىندىسى بويىنشا قوستانايداعى نازارباەۆ زياتكەرلىك مەكتەبىنىڭ 2 وقۋشىسى جەڭىمپاز اتانسا, 3 وقۋشى – ەكىنشى, 4 وقۋشى ءۇشىنشى ورىندى جەڭىپ الدى.
قوستاناي وبلىسى