قوستاناي وبلىسىنىڭ پوليتسيا دەپارتامەنتىندە جەكە قۇرامنىڭ كۇندەلىكتى قىزمەت اتقارۋ ءتارتىبىن تەكسەرەتىن ءموبيلدى توپتار جۇمىس ىستەي باستادى. كومەندانتتىق پاترۋل كۇن سايىن پوليتسيا بەكەتتەرىنە باقىلاۋ جۇرگىزىپ, قىزمەتتىك جانە ترانسپورتتىق ءتارتىپتىڭ ساقتالۋىن قامتاماسىز ەتەتىن بولادى.
جاڭا جاساقتالعان موبيلدىك توپتار بۇگىن قوعامدىق ءتارتىپ كۇزەتى مەن جول قاۋىپسىزدىگىن قامتاماسىز ەتۋ قىزمەتىنە كىرىسپەس بۇرىن ارنايى جانە ءموبيلدى دايىندىق باسقارماسى باستىعىنىڭ مىندەتىن اتقارۋشى مۇرات بايمۇحامەتوۆتەن نۇسقاۋ تاپسىرما الدى.
پوليتسيا قىزمەتكەرى زاڭنىڭ ساقتالۋىن قامتاماسىز ەتۋشى عانا ەمەس.
ونىڭ سىرتقى كەلبەتى مەن مىنەز-قۇلقى دا كوپشىلىككە ۇلگى بولۋى كەرەكتىگىن اتاپ وتكەن پوليتسيا مايورى ءموبيلدى توپقا ءتارتىپ ساقشىلارىنىڭ ماسكالىق رەجىمدى بۇزباۋىنا جانە قىزمەتتىك كۋالىگى مەن ارنايى جەتونىنىڭ بولۋىنا نازار اۋدارۋدى تاپسىردى.
قوستاناي وبلىسى