بۇل تۋرالى مەملەكەت باسشىسى قاسىم-جومارت توقاەۆ ۇلتتىق قوعامدىق سەنىم كەڭەسىنىڭ 3-وتىرىسىندا ايتتى.
«شەتەلدەن جۇمىسشىلار اكەلۋگە بەلگىلەنگەن كۆوتا 40 پايىزعا ازايدى. ەسەپ كوميتەتى مەملەكەتتىك ورگانداردا جۇرگىزىلگەن تەكسەرىستىڭ اۋديتورلىق قورىتىندىلارىن جاريالاي باستادى. اقمولا, قوستاناي, شىعىس قازاقستان جانە ماڭعىستاۋ وبلىستارىندا يگەرىلمەگەن جايىلىمدار بىرتىندەپ مەملەكەتكە قايتارىلۋدا. بۇعان عارىشتان مونيتورينگ جۇرگىزۋ ارقىلى قول جەتكىزدىك. مۇنىڭ ءبارى ۇلتتىق كەڭەستىڭ باستاماسىمەن جۇزەگە اسىرىلعان شارالاردىڭ ءبىر بولىگى عانا. بارشاڭىزعا قازىرگىدەي كۇردەلى كەزەڭدە وزەكتى ماسەلەلەردى تالقىلاۋعا بەلسەنە قاتىسقاندارىڭىز ءۇشىن العىس ايتامىن. ۇلتتىق كەڭەس ءبىر جىلعا جۋىق ۋاقىت ارالىعىندا اسا ماڭىزدى ءارى اۋقىمدى رەفورمالاردى پىسىقتاپ, جۇزەگە اسىردى. قوعامدىق ديالوگتىڭ ۇلتتىق مودەلى ءوز تيىمدىلىگىن كورسەتتى»,- دەدى پرەزيدەنت.