وبلىس اكىمى گۇلشارا ابدىقالىقوۆا جۇمىس ساپارىمەن شيەلى اۋدانىندا بولدى. ساپار بارىسىندا ەلدى مەكەندەردىڭ تىنىس-تىرشىلىگىمەن, «جۇمىسپەن قامتۋ جول كارتاسى» مەملەكەتتىك باعدارلاماسى اياسىنداعى جۇمىستار بارىسىمەن تانىستى.
مەملەكەتتىك باعدارلاما شەڭبەرىندە شيەلى اۋدانىنا 3 ملرد تەڭگەدەن استام قارجى ءبولىنىپ, ينجەنەرلىك-كولىكتىك ينفراقۇرىلىم, الەۋمەتتىك-مادەني, تۇرعىن-ءۇي كوممۋنالدىق, اباتتاندىرۋ باعىتىندا 21 جوبا جۇزەگە اسىرىلۋدا. سونىمەن قاتار, 681 جاڭا جۇمىس ورنى اشىلادى.
ءوڭىر باسشىسى الدىمەن سۇلۋتوبە اۋىلدىق وكرۋگىنىڭ 1 مامىر ەلدى مەكەنىندەگى اباتتاندىرۋ جۇمىستارى مەن اۋىز سۋ جۇيەسىنىڭ جاعدايىن كوردى. بۇل اۋىلعا 58 ملن تەڭگە ءبولىنىپ, 14 تۇرعىن جۇمىسپەن قامتىلعان.
مۇنان سوڭ وبلىس اكىمى جولەك ەلدى مەكەنىنە كىرە بەرىستەگى كوپىرگە كۇردەلى جوندەۋ جانە شيەلى كەنتىندەگى جول جوندەۋ جۇمىستارىنىڭ بارىسىن كوردى. وبلىس اكىمى اۋدان اكىمىنە بولىنگەن قارجىنى ماقساتتى جۇمساپ, جۇمىس ساپاسىنا ءمان بەرۋدى تاپسىردى.
ساپار اياسىندا گۇلشارا ابدىقالىقوۆانىڭ توراعالىعىمەن اۋداننىڭ الەۋمەتتىك-ەكونوميكالىق دامۋى جونىندەگى ءماجىلىس ءوتتى. جيىندا اۋدان اكىمى قامباربەك مۇباراكوۆ اتقارىلعان جۇمىستار مەن الداعى جوسپارلار تۋرالى بايانداپ, ايماق باسشىسى الەۋمەتتىك-ەكونوميكالىق سالاداعى كورسەتكىشتەردى ارتتىرۋ بويىنشا بىرقاتار ناقتى تاپسىرمالار بەردى.
اۋدان ەكونوميكاسى دامۋىنىڭ ۇستىمىزدەگى جىلدىڭ 4 ايىنىڭ قورىتىندىسى بويىنشا نەگىزگى ماكروكورسەتكىشتەردىڭ 4-ءۋى, اتاپ ايتساق, اۋىل شارۋاشىلىعى 0,2%, ينۆەستيتسيا 74%, قۇرىلىس جۇمىسى كولەمى مەن تۇرعىن ءۇي قۇرىلىسى 15,3% تومەندەپ, مەجە ورىندالماعان. الەۋمەتتىك سالا, ونىڭ ىشىندە دەنساۋلىق ساقتاۋ سالاسىندا دا كەمشىلىكتەر بار. اۋداننىڭ الەۋمەتتىك-ەكونوميكالىق دامۋى بويىنشا بىرقاتار ماسەلەلەر كوتەرىلدى. اتالعان كەمشىلىكتەردى جويۋ باعىتىندا اۋقىمدى جۇمىس اتقارۋ قاجەت. ءبىزدىڭ باستى باعىتىمىز تۇرعىنداردىڭ ءال-اۋقاتىن كوتەرۋ, - دەدى وبلىس اكىمى.
ماجىلىستەن كەيىن ايماق باسشىسى شيەلى كەنتىندەگى جىلىجايدىڭ, «رۋ-6» كەن باسقارماسىنىڭ «قارامۇرىن» ءوندىرىس ورنىنىڭ, «ارۋ انا» شۇبات تسەحىنىڭ, پلاستماسسا قۇبىرلارىن شىعاراتىن زاۋىتتىڭ, «كومپانيا گەجۋبا شيەلى تسەمەنت» جشس-ءنىڭ جۇمىسىن كوردى. شيەلى كەنتىندەگى ءۇش قاباتتى 18 پاتەرلى تۇرعىن ءۇي قۇرىلىسى مەنن اقمايا اۋىلىنداعى ەگىس القابىندا اۋدانداعى دالا جۇمىستارىنىڭ بارىسىمەن تانىستى. بۇل ەگىس القاپتا 370 گەكتار جەرگە كۇزدىك بيداي ەگىلگەن جانە جاڭا تسيفرلىق تەحنولوگيالار پايدالانۋدا.