وڭىرلىك جەدەل اقپارات شتابى جىتىقارادا 1965 جىلى تۋعان ايەلدىڭ كوروناۆيرۋستان كوز جۇمعانىن حابارلادى.
بۇرىن ىندەت جۇقتىرعان ناۋقاسپەن ءبىر ۇيدە تۇرعان ازاماتشا جىتىقارا اۋداندىق اۋرۋحاناسىنىڭ كۆي-2 ستاتسيونارىندا جاتقان. بۇعان دەيىن ونكوديسپانسەردە ەسەپتە تۇرىپتى.
23 مامىر كۇنى ودان COVID-19-عا الىنعان تالداۋ قورىتىندىسى وڭ ناتيجە كورسەتكەن. رەنتگەن ساۋلەسى ارقىلى ناۋقاستىڭ قوس وكپەسىنىڭ قابىنىپ كەتكەنى انىقتالعان. جاعدايى اۋىرلاپ بارا جاتقان سوڭ ايەل رۋدنىي قالاسىنىڭ ينفەكتسيالىق بولىمىنە جەتكىزىلەدى. وكىنىشكە قاراي, ناۋقاس 25 مامىر كۇنى كوز جۇمعان.
قوستاناي وبلىسى