بۇگىن وبلىس اكىمى ارحيمەد مۇحامبەتوۆ پەن سىبايلاس جەمقورلىققا قارسى قىزمەت باسشىسى قۋانىش بەكباسوۆ «قارابالىق – كومەك الاڭى» كەڭسەسىنىڭ اشىلۋ راسىمىنە قاتىستى.
ءدال وسىنداي كەڭسە سارىكول اۋدانىندا دا اشىلدى. مۇندا تۇرعىندار ءۇشىن قاجەت قىزمەت تۇرلەرىن ء«بىر تەرەزە» ارقىلى الۋ مۇمكىندىگى بار. «كومەك الاڭدارى» زاماناۋي بايلانىس جانە كوممۋنيكاتسيا قۇرالدارىمەن قامتىلعان. سونداي-اق ازاماتتاردى «وپەن سپەيس» فورماتىندا قابىلدايتىن ارنايى بولمە دە بار. بۇل بولمەدە تۇرعىندار وزدەرىن تولعاندىرعان ماسەلەلەرگە قاتىستى ءتيىستى مەملەكەتتىك ورگان وكىلدەرىنەن تولىققاندى جاۋاپ, يا كەڭەس الاتىن بولادى.
«مۇنداي كەڭسەلەر بارلىق اۋداندارعا قاجەت. باستىسى – ازاماتتار ءۇشىن قولايلى جاعداي جاسالۋى كەرەك. «كومەك الاڭى» كەڭسەلەرى مەملەكەتتىك قىزمەت كورسەتۋ بارىسىندا حالىققا قولايلى كەدەرگىسىز ورتا قۇرۋدى كوزدەيدى. مۇندا تۇرعىندارعا جان-جاقتى قۇقىقتىق كەڭەس بەرىلەدى. بىراق قازىرگى اھۋالعا بايلانىستى قارىم-قاتىناس قاشىقتان جۇزەگە اسىرىلۋى ءتيىس», - دەدى وبلىس اكىمى.
سىبايلاس جەمقورلىققا قارسى قىزمەت باسشىسى قۋانىش بەكباسوۆ بيىل ايماقتىڭ بارلىق قالالارى مەن اۋداندارىندا «وپەن سپەيس» فورماتىنداعى «كومەك الاڭى» كەڭسەلەرى اشىلاتىنىن اتاپ ءوتتى. ونىڭ ايتۋىنشا, قازىر وبلىس بويىنشا 18 كەڭسە جۇمىس ىستەپ جاتىر.
قوستاناي وبلىسى