«نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمى باسقارما ءتورايىمى كۋلاش ءشامشيدينوۆا تىكەلەي ەفيردە حانتى-مانسيسك دەربەس وكرۋگى تۇلەكتەرىن قۇتتىقتادى.
يۋگرانىڭ قالالارى مەن اۋىلدارىنىڭ ون مىڭنان استام تۇلەگى وزدەرىنىڭ سوڭعى ساباعىندا بەينەكونفەرەنتسيا ارقىلى كەزدەستى, كەيىن بارلىق رەسەي مەكتەپتەرىندەگىدەي ونلاين فورماتتاعى سوڭعى قوڭىراۋ سوعىلدى.
حانتى-مانسيسك دەربەس وكرۋگىنىڭ گۋبەرناتورى ناتاليا كوماروۆا بۇگىنگى تۇلەكتەر رەسەيدىڭ ەڭ تابىستى ايماقتارىنىڭ ءبىرى بولىپ سانالاتىن يۋگرانىڭ دامۋىنا ءوز ۇلەستەرىن قوساتىنىنا سەنىم ءبىلدىردى. بىرنەشە كۇن بۇرىن بۇل مەكەن جۇرتشىلىعى 12 ميلليارد توننا مۇناي وندىرىلگەنىنە قۋانعان بولاتىن.
رەسەي فەدەراتسياسىنىڭ مەملەكەتتىك دۋماسى ءبىلىم جانە عىلىم جونىندەگى كوميتەتى توراعاسىنىڭ ورىنباسارى ليۋبوۆ دۋحانينا, «نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمى باسقارما ءتورايىمى كۇلاش ءشامشيدينوۆا, اتا-انالار اتىنان ۆالەنتينا سىروۆا جانە ورىس ءتىلى مەن ادەبيەتى ءپانىنىڭ مۇعالىمى, «پەداگوگيكالىق دەبيۋت» ايماقتىق بايقاۋىنىڭ جۇلدەگەرى الەنا چەبەكينا بالالارعا ساتتىلىك پەن تابىس تىلەدى.
– ءبىلىم – ادامنىڭ كاسىبي دامۋىنداعى العاشقى جانە مىندەتتى قادام, – دەپ اتاپ ءوتتى كۇلاش نوعاتايقىزى تۇلەكتەرگە ارناعان جولداۋىندا: – ءوز ميسسياڭىزدى ورىنداۋ, ءسىزدى قىزىقتىراتىن كەز كەلگەن سالادا جەتىستىككە جەتۋ ءۇشىن ۇنەمى ءوز-ءوزىڭىزدى جەتىلدىرىپ وتىرۋىڭىز قاجەت.
ايماق گۋبەرناتورى ناتاليا كوماروۆا يۋگرا ءبىلىم بەرۋ ۇيىمدارىنىڭ قازاقستاندىق ارىپتەستەرمەن ىنتىماقتاستىعىن جوعارى باعالادى:
– ءسىز ءبىلىم بەرۋدىڭ جاڭا دامۋىنداعى ءبىزدىڭ جول كورسەتۋشى جانە جاقىن دوستارىمىزسىزدار.
بۇگىندە نازارباەۆ زياتكەرلىك مەكتەپتەرى تاجىريبە تاراتۋ اياسىندا حانتى-مانسيسك وكرۋگى ءبىلىم بەرۋ مەكەمەلەرىمەن ىنتىماقتاستىق جاسايدى.