بۇگىن الماتى وبلىسىنىڭ اۋماعىنان تۇركىستان وبلىسىنا قاراي 4 جۇك كولىگى جولعا شىقتى. بۇل جولى جەتىسۋلىقتار جيناعان قارجىعا تۇرعىن ءۇي قۇرىلىسىنا قاجەتتى ماتەريالدار الىنىپ, جونەلتىلدى.
بۇعان دەيىن وبلىس تۇرعىندارى ماقتاارال اۋدانىنا ازىق-ت ۇلىك, كيىم-كەشەك جانە قۇرىلىس قوسپالارى تيەلگەن كەرۋەن جىبەرگەن ەدى. ول ءىستىڭ باسىندا وبلىستىڭ جاستار ساياساتى باسقارماسىنىڭ ۇجىمى جۇرگەن بولاتىن. جەتىسۋ ەرىكتىلەرىنەن قۇرالعان توپ سۋ تاسقىنىنان زارداپ شەككەن ايماقتا جۇمىس ىستەپ, قۇرىلىسقا كومەك بەرۋدە. ال بۇل جولعى قايىرىمدىلىق كەرۋەنى «Nur Otan» پارتياسى الماتى وبلىستىق فيليالىنىڭ باستاماسمىمەن جاساقتالعان ەكەن.
-وبلىس اكىمى اماندىق باتالوۆ اپاتتى ايماققا كومەك كورسەتۋ باستاماسىن كوتەرگەلى بەرى,جەتىسۋداعى كاسىپكەرلەر دە, قاراپايىم تۇرعىندار دا قايىرىم جاساۋعا ۇلەس قوسىپ جاتىر. بۇگىنگە دەيىن 400 تونناعا جۋىق گۋمانيتارلىق جۇك جينالعان. ونىڭ العاشقى لەگى ماقتاارال اۋدانىنا جەتتى. ەكىنشى كەزەكتە قۇرىلىسقا قاجەتتى ماتەريالدار جيناپ, 82 توننا جۇك جونەلتتىك. مۇندا قۇرعاق قوساپلار, كىرپىش, اعاش سياقتى ءۇي قۇرىلىسىنا قاجەتتى زاتتار بار. قايىرىم كومەگى مۇنىمەن توقتامايدى, جالعاسا بەرەدى, - دەيدى «Nur Otan» پارتياسى الماتى وبلىستىق فيليالى توراعاسىنىڭ ءبىرىنشى ورىنباسارى جانبولات جورگەنباەۆ.
الماتى وبلىسى