24 مامىر كۇنى ساعات 14.00-دە قوستاناي وبلىسىنداعى قۇسمۇرىن – توبىل تەمىر جول ۋچاسكەسىنە قاراستى قازانباسى – اپانوۆ وتكەلىندە كەلە جاتقان جۇك پويىزىنىڭ ءماشينيسى لوكوموتيۆ مانومەترىنەن ۆاگوندار اراسىنداعى اۋا قىسىمىنىڭ تومەندەپ كەتكەنىن بايقاپ, جەدەل تەشەگىشتى ىسكە قوسقان.
لوكوموتيۆ بريگاداسى 23 ۆاگوننىڭ رەلستەن شىعىپ كەتكەنىن جانە تەمىر جول تابانىنا نۇقسان كەلگەنىن انىقتاپ وتىر.
«قتج – جۇك تاسىمالى» ءباسپاسوز قىزمەتىنىڭ مالىمەتىنشە, بوس ۆاگوندار تىركەلگەن لوكوموتيۆ ساعاتىنا 70 شاقىرىمدىق جىلدامدىقپەن كەلە جاتقان. قازىر ارنايى كوميسسيا قۇرىلىپ, اپاتتىڭ سالدارىن جويۋ جۇمىستارى ءجۇرىپ جاتىر.
قوستاناي وبلىسى