ىندەت پەن ەلىمىزدەگى توتەنشە جاعداي ۋاقىتىندا ەلىمىزدەگى كەيبىر كاسىپورىنداردىڭ جۇمىستارى ازايىپ, كەيبىرى توقتاپ تا قالدى. ال, كارانتين كەزىندەگى شىعىنداردى وتەۋ ءۇشىن قانداي شارالار جاسالادى دەگەن سۇراق تا جەتكىلىكىتى.
بۇعان جاۋاپتى ەلىمىزدەگى «QazIndustry» يندۋستريا جانە ەكسپورت ورتالىعى» اق بەرە الادى, ول ءسىزدى بيزنەسكە مەملەكەتتىك قولداۋ كورسەتۋ باعىتتارىمەن تانىستىرادى.
ورتالىق وكىلى اسلان بەكبەرگەنوۆتىڭ ايتۋىنشا, ەلىمىزدە ونەركاسىپتىك كاسىپورىندارعا تەحنولوگيالىق شەشىمدەردەن باستاپ سەرتيفيكاتتاۋعا, ەكسپورتقا جانە تسيفرلى تەحنولوگيالاردى ەنگىزۋگە دەيىنگى بارلىق كەزەڭدەردە كومەك كورسەتىلەدى. ا.بەكبەرگەنوۆ «cash back» العان, شىعىندارىن وتەتكەن بىرقاتار كاسىپورىنداردى مىسالعا كەلتىردى.
ياعني, ەلىمىزدە وتكەن جىلى «ەڭبەك ونىمدىلىگىن ارتتىرۋ» باعىتى شەڭبەرىندە 69 كاسىپورىننان قۇنى 779,15 ميلليون تەڭگەنىڭ 122 ءوتىنىمى بويىنشا شىعىندار وتەلگەن. ال, «وتاندىق وڭدەلگەن تاۋارلاردى سىرتقى نارىقتارعا شىعارۋ» باعىتى اياسىندا 139 كاسىپورىننان 3,9 ملرد. تەڭگەگە 179 ءوتىنىم بويىنشا شىعىندار وتەلىپتى.
وتكەن جىلى وڭىرىمىزدە «پاۆلودار تۇز كومپانياسى», «ەگەر» جشس سەرىكتەستىكتەرىنىڭ ءونىمدى ەكسپورتتاۋ كەزىندە جۇمسالعان كولىك شىعىندارى مەملەكەت تاراپىنان وتەلگەن. ەكىباستۇزداعى «پرومماشكومپلەكت» جشس-ىنە جۇمىسقا شەتەلدىك مامانداردى تارتۋ شىعىندارى دا تولەنىپتى.
سونىمەن بىرگە, «TROYA» جشس-ىنە مونتاجداۋ جانە ىسكە قوسۋ-رەتتەۋ جۇمىستارى بويىنشا شىعىندارى وتەلگەن. سوندىقتان, ەكسپورتقا ءونىم شىعارۋشىلار 1 ماۋسىمىنا دەيىن مەملەكەتتىك قولداۋدىڭ قارجىلىق شارالارىن الۋعا ءوتىنىم بەرە الادى. ال, مامانداردى وقىتۋعا, كاسىپورىندار جۇمىسىنا شەتەلدىك ماماندار تارتۋعا بايلانىستى شىعىندار دا ورتالىق ارقىلى وتەلەدى.
مەملەكەتتىك قولداۋ شارالارىن ۇسىنۋ ەرەجەلەرى www.qazindustry.gov.kz. سايتىندا بەرىلگەن.
- قولداۋ كورسەتىلەتىن كاسىپورىندار قاتارىنا بارلىق ساناتتاعى وڭدەۋشى ونەركاسىپ كاسىپورىندارى كىرەدى. بىراق ناقتى تالاپتار بار. ەڭبەك ونىمدىلىگىن ارتتىرۋعا بايلانىستى كەتكەن شىعىنداردىڭ ءبىر بولىگىن قايتارىپ الۋ ءۇشىن كاسىپورىن قىزمەتىن ەكونوميكانىڭ باسىم سەكتورلارىندا كەمىندە 1 جىل جۇزەگە اسىرۋى قاجەت. ال ەكسپورتتىق شىعىنداردى وتەگىسى كەلەتىندەر وتاندىق وڭدەلگەن تاۋارلاردى ءوندىرۋشى نەمەسە وندىرىلگەن ءونىمدى وتكىزەتىن ونىڭ ەنشىلەس كومپانياسى بولۋى قاجەت, - دەيدى ا.بەكبەرگەنوۆ. ءوتىنىم بەرۋشىلەر ورتالىقتىڭ ماماندارىنان كاسىبي كەڭەس الا الادى. ءار وڭىرگە مەنەدجەر-كەڭەسشىلەر ايقىندالعان. مەملەكەت ەكسپورتتاۋشىلاردىڭ ونىمدەرىن شەتەلدە جارنامالاۋعا, ولاردىڭ شەتەلدىك كورمەلەرگە, جارمەڭكەلەرگە, فەستيۆالدارعا تىكەلەي قاتىسۋلارىنا, اقپاراتتاردى شەت تىلدەرىنە اۋدارۋعا جانە ارنايى كاتالوگ شىعارۋعا, ءونىمدى شەتەلدە سەرتيفيكاتتاۋعا, قويمانى, ساۋدا ءۇي-جايلارىن جالعا الۋعا بايلانىستى شىعىنداردى وتەيدى.
پاۆلودار وبلىسى