وبلىستا سوڭعى بەس جىلدا تاماق ونەركاسىبى ءتاپ-ءتاۋىر دامىپ كەلەدى. ايماقتا جىلىنا 62 مىڭ تونناعا دەيىن ەت وندىرۋگە قاۋقارى جەتەتىن 15, مايلى داقىلداردى وندىرەتىن 8 كاسىپورىن بار. ال, 15 كاسىپورىن ءسۇت ءونىمىن وڭدەۋمەن اينالىسادى.
وتاندىق ءونىمدى مولىنان ءوندىرۋ سىرتتان كەلەتىن تاۋارلارمەن باسەكەلەستىكتى ارتتىرۋعا سەپتىگىن تيگىزۋدە. تۇتىنۋشىلاردىڭ وزدەرى دە ساپاسى كۇماندى, سىرتتان تاسىلاتىن ازىق-ت ۇلىكتەن گورى جەرگىلىكتى جەردىڭ ءونىمىن تۇتىنعاندى ءتاۋىر كورەدى. ال, ءونىم از ەمەس. كۇن سايىن وبلىستا 300 توننا ءسۇت ءونىمى, 77 توننا سيىر ەتى, 123 توننا قۇس ەتى, 2,2 ملن دانا جۇمىرتقا, 1000 توننا ۇن وندىرىلەدى. وڭىرگە سىرتتان اكەلىنەتىن تاۋار ۇلەسى نەبارى 6,5 پروتسەنت.
وڭىردەگى ازىق-ت ۇلىك ءونىمىنىڭ ۇلەسىن ءالى دە ۇلعايتۋعا بولار ەدى. الايدا ءوندىرىس كولەمىن كوبەيتۋ ءۇشىن شيكىزات از. ايماقتا قازىر وتاندىق ءونىمنىڭ دامۋىنا بارىنشا قولداۋ كورسەتىلۋدە.
–بۇگىنگى تاڭدا جەرگىلىكتى تاۋار وندىرۋشىلەردى قولداۋ ماقساتىندا تۇراقتاندىرۋ قورى قۇرىلعان. وعان قوسىمشا تاۋار ساتىپ الۋ ءۇشىن جەرگىلىكتى بيۋدجەتتەن 750 ملن تەڭگە ءبولىندى. تۇراقتاندىرۋ قورى تەك وتاندىق ءوندىرىس تاۋارلارىن عانا ساتىپ الادى, دەيدى وبلىستىق كاسىپكەرلىك جانە ونەركاسىپ باسقارماسىنىڭ جەتەكشىسى ەربول وسپانوۆ.
وتاندىق ءونىم ءوتىمدى ءارى دامىسىن دەسەك, ونىڭ باعاسى دا قولجەتىمدى بولعانى ءجون.