اباي اتىنداعى قازۇپۋ-دىڭ 2025 جىلعا ارنالعان ستراتەگيالىق دامۋ جوسپارىنا سايكەس باسقارۋدىڭ جاڭا ۇلگىسىنە كوشۋ جوباسىنا بايلانىستى پەداگوگيكا جانە پسيحولوگيا ينستيتۋتىنىڭ كولدەنەڭ تسيكلدىق ۇيىمدىق قۇرىلىمى مۇشەلەرىمەن بىرگە «جوعارى وقۋ ورىندارى مەن مەكتەپتىڭ ءبىلىم بەرۋ باعدارلامالارىنىڭ جاڭاشىل مازمۇنى مەن ادىستەرى» تاقىرىبىندا ونلاين-ۆەبينار وتكىزدى.
ۋنيۆەرسيتەتتىڭ ءباسپاسوز قىزمەتىنىڭ مالىمەتى بويىنشا, جالپى ءبىلىم بەرەتىن مەكتەپتەن باستاپ جوعارى وقۋ ورىندارىنداعى ءبىلىم بەرۋ باعدارلامالارىنىڭ ەرەكشەلىگىن تالداۋ جانە ونىڭ ناتيجەسىنە سايكەس قۇزىرەتتى مامان دايارلاۋدىڭ العىشارتتارىن انىقتاۋ ماقساتىندا وتكەن ۆەبيناردا مەكتەپتەردىڭ باعدارلامالارى مەن ادىستەمەسى جايىندا ءسوز بولدى.
ۆەبينارعا پەداگوگيكا جانە پسيحولوگيا ينستيتۋتىنىڭ ديرەكتورى بەرىكجان المۇحامبەتوۆ, كاسىبي مەنەدجەر, مەنەدجمەنت بويىنشا زەرتتەۋشى جانە بيزنەس كەڭەسشى وزات بايسەركەەۆ, ستراتەگيانى جۇزەگە اسىرۋ جانە مونيتورينگ ءبولىمىنىڭ باستىعى ەلۆيرا تاتتىباەۆا, ءبىلىم بەرۋ باعدارلامالارىن جوبالاۋ دەپارتامەنتىنىڭ ديرەكتورى اديليا بايديلدينا جانە ينستيتۋتتىڭ جاۋاپتى وكىلدەرى كەڭەسىنىڭ مۇشەلەرى قاتىستى.
ۆەبينار بارىسىندا وزات بايسەركەەۆ كەلەسى سۇراقتارعا جاۋاپ بەردى: «قازاقستان رەسپۋبليكاسىنداعى مەكتەپتەردىڭ باعدارلامالارى مەن ادىستەمەسى قانداي بولۋ قاجەت؟» - ا. جۇماباەۆا, ءا. رىسقۇلبەكوۆا, «باعدارلاما مەن ادىستەمەگە سايكەس پەداگوگ قانداي بولۋى قاجەت؟» - ك.جامپەيسوۆا, ا. ساتوۆا, « قازۇپۋ-دا كاسىبي الەۋەتى جوعارى مۇعالىمدى دايىنداۋ ءۇشىن ءبىلىم بەرۋ باعدارلامالارى قانداي بولۋى قاجەت؟» - ا. كوشەرباەۆا, ۇ.كىياكباەۆا, «جوبانى ىسكە اسىرۋ ءۇشىن ەكسپەريمەنتتىك (عىلىمي-ادىستەمەلىك) بازا (مەكتەپ-سەرىكتەس) قانداي بولۋى ءتيىس؟» - ا.اقجولوۆا, ا. اۋتاەۆا.
قورىتىندى جاساي وتىرىپ, سپيكەرلەر مەن قاتىسۋشىلار وزەكتى ماسەلەلەرگە قاتىستى پىكىر الماستى.