اتالمىش باعدارلاما بويىنشا ايماقتا بيىل بارلىعى 275 جوبانى جۇزەگە اسىرۋ جوسپارلانعان. جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى گۇلنار ابەنوۆانىڭ ايتۋىنشا, بۇگىنگە دەيىن 263 جوبا بويىنشا مەملەكەتتىك ساتىپ الۋ كونكۋرسى جاريالانعان. ونىڭ 210-ىنا كەلىسىمشارت جاسالىپتى. ايماقتا قازىردىڭ وزىندە 99 جوبا جۇزەگە اسىرىلا باستادى.
«جۇمىسپەن قامتۋدىڭ جول كارتاسى» ەڭ الدىمەن جۇمىسسىز ازاماتتاردى ەڭبەكپەن قامتاماسىز ەتۋگە, جۇمىسسىزدىقتىڭ وسۋىنە جول بەرمەۋگە باعىتتالعانىن ەسكەرسەك, ماڭىزدى ماسەلەلەردىڭ ءبىرى جاڭا جۇمىس ورىندارىن قۇرۋ بولىپ تابىلادى. وبلىستا جۇمىس ورىندارىن قۇرۋ مونيتورينگى «جۇمىس ورىندارىن قۇرۋدىڭ ينتەگراتسيالانعان كارتاسى» اقپاراتتىق جۇيەسى ارقىلى جۇزەگە اسىرىلاتىن بولادى» - دەدى گۇلنار ابەنوۆا.
بۇگىنگە دەيىن ايماقتا 1049 جاڭا جۇمىس ورنى اشىلىپ, وعان جۇمىسپەن قامتۋ ورتالىقتارى بويىنشا 576 ادام جۇمىسقا ورنالاستىرىلعان. جالپى باعدارلاما اياسىندا 13,5 مىڭ جۇمىس ورنىن اشۋ جوسپارلانۋدا.
«ىسكە اسىرىلىپ جاتقان جوبالار اياسىندا 7 مىڭعا جۋىق ادام جۇمىسپەن قامتىلادى. قازىر ايماقتا 4 مىڭ جۇمىسسىز تىركەۋدە تۇر. دەگەنمەن جۇمىسقا ۇمىتكەرلەردى ىرىكتەۋ كەزىندە كوللەدج تۇلەكتەرىنە باسىمدىق بەرۋ قاجەت» - دەدى باسقارما باسشىسى.
بيىل وبلىستا تەحنيكالىق جانە كاسىپتىك ءبىلىم بەرۋ ۇيىمدارىن 6,7 مىڭ شاكىرت ءبىتىرىپ شىعادى.
جيىن بارىسىندا الەۋمەتتىك قورعاۋ سالاسىندا جۇزەگە اسىرىلىپ جاتقان جوبالار تۋرالى ءسوز بولدى. «جۇمىسپەن قامتۋدىڭ جول كارتاسى» اياسىندا بۇل سالادا جالپى سوماسى 266 ملن تەڭگە بولاتىن 4 جوبا جۇزەگە اسىرىلىپ جاتىر. ناتيجەسىندە 75 جۇمىس ورنى اشىلىپ, 37 ادام جۇمىسقا ورنالاسادى.
قوستاناي وبلىسى