ءدىننىڭ دىتتەگەنى – ب ۇلىك ەمەس, بىرلىك ەكەنىن ىزگى نيەتتى ادامدار ايتۋداي-اق ايتىپ كەلەدى. ويتكەنى ءدىن – ادامگەرشىلىك, مەيىرىم, ىزگىلىك پەن يماندىلىقتىڭ ادامزاتتى العا جەتەلەيتىنىن ۋاعىزدايدى. بىراق سوعان قاراماستان «بۇيرەكتەن سيراق» شىعارىپ, تەرىس جولعا بۇرا تارتاتىندار ب ۇلىكشىل ارەكەتتەرىن قويار ەمەس. سوندىقتان مۇنداي كەلەڭسىزدىكتەرگە جول بەرمەۋ, ونىڭ الدىن الۋ ماقساتىندا ورال قالاسىندا «ءدىني ەكسترەميزم: ءمانى جانە قارسى تۇرۋدىڭ تۇيتكىلدى ماسەلەلەرى» تاقىرىبىندا رەسپۋبليكالىق عىلىمي-پراكتيكالىق كونفەرەنتسيا ۇيىمداستىرىلدى.
ءدىننىڭ دىتتەگەنى – ب ۇلىك ەمەس, بىرلىك ەكەنىن ىزگى نيەتتى ادامدار ايتۋداي-اق ايتىپ كەلەدى. ويتكەنى ءدىن – ادامگەرشىلىك, مەيىرىم, ىزگىلىك پەن يماندىلىقتىڭ ادامزاتتى العا جەتەلەيتىنىن ۋاعىزدايدى. بىراق سوعان قاراماستان «بۇيرەكتەن سيراق» شىعارىپ, تەرىس جولعا بۇرا تارتاتىندار ب ۇلىكشىل ارەكەتتەرىن قويار ەمەس. سوندىقتان مۇنداي كەلەڭسىزدىكتەرگە جول بەرمەۋ, ونىڭ الدىن الۋ ماقساتىندا ورال قالاسىندا «ءدىني ەكسترەميزم: ءمانى جانە قارسى تۇرۋدىڭ تۇيتكىلدى ماسەلەلەرى» تاقىرىبىندا رەسپۋبليكالىق عىلىمي-پراكتيكالىق كونفەرەنتسيا ۇيىمداستىرىلدى.
اتالعان شارانى وتكىزۋگە وبلىستىڭ ءدىني احۋالىنا جۇرگىزىلگەن تالداۋ بويىنشا, قوعامدا ءالى قالىپتاسىپ ۇلگەرمەگەن 17 مەن 25 جاس ارالىعىنداعى تۇرعىندار اراسىندا ءداستۇرلى ەمەس ءدىني اعىمدارعا ەلىكتەيتىن كەيبىر جاستاردىڭ بار ەكەندىگى بولىپ وتىر. سوندىقتان وسى ماسەلەنىڭ وزەكتىلىگىنە بايلانىستى كونفەرەنتسيانى وتكىزۋ قاجەتتىلىگى تۋىندادى. بۇل باعىتتا ورال قالاسىنداعى ءۇش جوو-دا سەكتسيالىق جۇمىستار جۇرگىزىلىپ, ورتالىق الاڭدا «جاستار سەكتالارعا قارسى!» ۇرانىمەن 2500-دەي ستۋدەنت قاتىسقان فلەش-موب وتكىزىلدى, دەيدى باتىس قازاقستان وبلىسى پروكۋرورىنىڭ مىندەتىن اتقارۋشى اسپەنبي جارىلعاسوۆ.
باتىس قازاقستان وبلىسىنىڭ قۇقىق قورعاۋ ورگاندارىنىڭ ۇيلەستىرۋ كەڭەسىنىڭ شەشىمىن ورىنداۋ ماقساتىندا وبلىستىق پروكۋراتۋرانىڭ باستاماسىمەن, وبلىس اكىمدىگىنىڭ قولداۋىمەن وتكەن بۇل جيىنعا ەلىمىزدىڭ بىرقاتار تەولوگ ماماندارى, جوو رەكتورلارى, ستۋدەنتتەرى, قۇقىق قورعاۋ ورگاندارى مەن ۇكىمەتتىك ەمەس ۇيىمداردىڭ وكىلدەرى قاتىستى.
جالپى العاندا, ءبىزدىڭ ەلىمىزدە ءار ازاماتقا ءدىندى تاڭداۋ ەركى بەرىلگەندىگى بەلگىلى, ول زاڭ شەڭبەرىندە رەتتەلەتىن ماسەلە. تاريحي تۇرعىدان الىپ قاراعاندا ادەت عۇرپىمىز بەن سالت-ءداستۇرىمىزدى ساقتاپ, قۇدايعا سەنۋ ارقىلى ءدىنىمىزدى بەرىك ۇستاپ كەلە جاتقان حالىق ەكەندىگىمىز بارشاعا ايان. ەلىمىزدىڭ باسىنا قيىن-قىستاۋ كۇن تۋعان شاقتا دا نەبىر تىعىرىقتان اقساقالدار كەڭەسىنىڭ, بيلەر مەكتەبىنىڭ, ەل باسقارعان حاندارىمىزدىڭ قارا قىلدى قاق جارعان جارعىسى مەن ءادىل تورەلىكتەرى ارقىلى شىعىپ وتىردىق. ال قازىرگى كوزقاراس, بۇگىنگى ءومىر تالابى بىزگە ەرەكشە مىندەتتەردى جۇكتەپ وتىر. الەمدە سان ءتۇرلى ءدىن بولسا دا ءاربىر تۇلعا ءوز باعىتىن ايقىن انىقتاۋى ءتيىس. سوندىقتان مەملەكەتىمىزدە تىيىم سالىنعان ءدىني اعىمداردىڭ باعىتىنا بۇرىلماي, جات كوزقاراستىڭ جەتەگىنە ەرمەي, كوشىمىزدىڭ كەرۋەنىن يماندىلىققا بۇرۋىمىز قاجەت, دەيدى ويىن ودان ءارى وربىتكەن ءا. جارىلعاسوۆ.
ال اتىراۋ وبلىسىنداعى «شاپاعات» دەسترۋكتيۆتى ءدىني اعىمداردان زارداپ شەككەندەرگە كومەك كورسەتۋ ورتالىعىنىڭ ديرەكتورى, تەولوگ-يسلامتانۋشى امىرە ەرسىن ۋاحابيلىك-سالافيلىك اعىم تۋراسىندا: «وسىنداي بۇرمالانعان ءارى بۇزىق ءتالىمدى بويىنا ءسىڭىرىپ العان جاستاردىڭ جۇزىنەن سۋىقتىق, كوزدەرىنەن قاتىگەزدىكتى انىق بايقايسىز», دەپ ناقتى مىسالداردى كەلتىرەدى. ماسەلەن, جۇما نامازدارىندا «جۇرەگىمە كۇمان كىرىپ, اداسىپ كەتپەيىن» دەگەن ۇرەيمەن ولار مەشىتتەردە قمدب يمامدارىنىڭ ايتاتىن ۋاعىزدارىن تىڭداماۋ ءۇشىن قۇلاقتارىنا تىڭداعىشتى تاعىپ الىپ, ءوز كوسەمدەرىنىڭ ۋاعىزىنا عانا دەن قويىپ وتىراتىن جاستاردى كوپتەپ كورۋگە بولادى. بۇل جاعدايدى ءۋاحابيزمدى ەلىمىزدە ناسيحاتتاپ جاتقان جىگىتتەردىڭ ءپاتۋالارى وتقا ماي قۇيعانداي ۋشىقتىرۋدا. وسىنىڭ مىسالى رەتىندە, سارىاعاش قالاسىنىڭ تۋماسى, ۇلتى وزبەك جىگىتتىڭ مەدينا قالاسىندا وتىرىپ, ينتەرنەت ارقىلى ەلدەگى سوڭىنان ەرۋشىلەرىنە بەرگەن مىنا ءپاتۋاسىن كەلتىرۋگە بولادى. ول وزىنە قويىلعان «بيدعاتشىلارعا قاتىستى ۇستانىمىمىز جانە قارىم-قاتىناسىمىز قانداي بولۋى كەرەك؟ ولارمەن ساۋدا-ساتتىق سەكىلدى دۇنيەلىك ىستەردە ارالاسۋعا رۇقسات بار ما؟» – دەگەن سۇراقتارعا, «بيدعاتشىلارمەن ارالاسۋعا قاراعاندا, يەگوۆا كۋاگەرلەرىمەن ارال