تىلدەردى دامىتۋ باسقارماسى ۇيىمداستىرعان ۇستازدىق شەبەرلىك سايىسى ونلاين رەجىمدە ءوتتى. ءار اۋداندا تىلدەردى وقىتۋ ورتالىقتارىندا ساباق بەرەتىن 13 وقىتۋشى بايقاۋ تالابىندا كورسەتىلگەن 4 كەزەڭ بويىنشا سايىسقا ءتۇستى.
«جارناما (PR) جانە وقىتۋشى بەدەلىن كوتەرۋ» دەپ اتالاتىن ءبىرىنشى كەزەڭدە قاتىسۋشىلار قازاق ءتىلىنىڭ ا1 دەڭگەيىنە ارنالعان 15 مينۋتتان اسپايتىن بەينەساباق تۇرىندەگى اشىق ساباق ۇلگىسىن كورسەتتى. ەكىنشى كەزەڭدە بويىنشا ۇمىتكەرلەر احمەت بايتۇرسىن ۇلىنىڭ ءومىرى, قىزمەتى مەن شىعارماشىلىعى, ادىستەمە ماسەلەلەرى قامتىلعان تەست تاپسىرمالارىن ورىندادى. سونداي-اق قازىلار القاسى تاراپىنان قويىلعان قوسىمشا سۇراقتارعا جاۋاپ بەردى. ءۇشىنشى كەزەڭدە بايقاۋعا قاتىسۋشىلارعا احمەت بايتۇرسىن ۇلىنىڭ شىعارماشىلىعى, ادىستەرى مەن ادىستەمەلىك ماقالالارى, سونداي-اق وقىتۋداعى ءتۇرلى پەداگوگيكالىق-پسيحولوگيالىق جاعداياتتارعا بايلانىستى ۆيدەوسۇراقتار قويىلدى. ال قورىتىندى كەزەڭدە ء ار وقىتۋشى وزدەرىنىڭ اۆتورلىعىمەن جارىق كورگەن وقۋ-ادىستەمەلىك قۇرالدارىن, عىلىمي-ادىستەمەلىك ماقالالارىن, بايقاۋداعى جۇلدەلى جەتىستىكتەرىن كورسەتىپ, ولارعا سيپاتتاما بەرىپ شىقتى.
- بايقاۋ قورىتىندىسى ونلاين داۋىس جيناۋ ارقىلى جانە قازىلار القاسىنىڭ باعالاۋى ارقىلى شىعارىلدى. ءبىر قىزىعى ونلاين تۇرىندە جينالعان داۋىستار مەن قازىلاردىڭ ويى ءبىر جەردەن شىقتى. ناتيجەسىندە سارىكول اۋدانىنداعى تىلدەردى وقىتۋ ورتالىعىنىڭ وقىتۋشىسى, جاس ۇستاز بولات ءنابي بايقاۋ جەڭىمپازى اتاندى. 2 ورىن ارقالىقتان كەلگەن بالايىم مولدابەكوۆاعا بۇيىرسا, قوستانايلىق وقىتۋشى اينۇر مىركەمەلوۆا ءۇشىنشى ورىندى قاناعات تۇتتى. مۇنىڭ سىرتىندا, وقىتۋشىلىق شەبەرلىگىمەن جانە ەرەكشە ادىستەمەسىمەن كوزگە تۇسكەن قاتىسۋشىلارعا 3 اتالىم بويىنشا ارناۋلى سىيلىقتار بەرىلدى. ماسەلەن, «جاڭاشىل پەداگوگ» اتالىمى بويىنشا دەنيسوۆ اۋدانىنان كەلگەن ء اليا ءسابيتوۆا, «كرەاتيۆتى پەداگوگ» نوميناتسياسى بويىنشا قارابالىقتان كەلگەن ەرلان ابىشەۆ, «شىعارماشىل پەداگوگ» اتالىمى بويىنشا مەڭدىقارالىق انار حاسەنوۆا ۇزدىكتەر قاتارىن تولىقتىردى, - دەدى وبلىستىق تىلدەردى دامىتۋ باسقارماسىنىڭ ءبولىم باستىعى باقىتگۇل زارلىققىزى
قوستاناي وبلىسى