توتەنشە جاعداي جاريالانعان تولەبي اۋىلىنداعى قاسقاسۋ ەلدى مەكەنىندە ورنالاسقان 2 كوپىردى تولىق سۋ شايىپ كەتكەن, 1 كوپىرگە زاقىم كەلگەن. جەرگىلىكتى ماڭىزى بار تاعى ءبىر كوپىردى سۋ شايعان. 4 كوپىردى تولىق رەتكە كەلتىرۋ جۇمىستارى تىنىمسىز جۇرگىزىلۋدە. ناتيجەسىندە, ەكى وتكەل تولىق رەتكە كەلتىرىلىپ, اۋىلداردىڭ بايلانىسى اشىلدى. جولاۋشىلار كولىگى جانە اۆتوموبيل جولدارى باسقارماسىنىڭ باسشىسى رولان يبراگيموۆتىڭ مالىمدەۋىنشە, قايتا قالپىنا كەلتىرۋ جۇمىستارى قىسقا مەرزىمدە جۇزەگە اسادى. بۇل تۋرالى تۇركىستان وبلىسى اكىمىنىڭ ءباسپاسوز قىزمەتى حابارلادى.
«ورتاشا جوندەۋ جۇمىستارى تىنىمسىز جۇرگىزىلىپ جاتىر. قاسقاسۋ ەلدىمەكەنىندەگى شايىلعان قۇبىرلاردى قالپىنا كەلتىرۋ ماقساتىندا ءتيىستى تەحنيكالار جۇمىلدىرىلىپ,ماتەريالدار جەتكىزىلدى. 4 كوپىردىڭ ەكەۋى ءبىر كۇندە قالپىنا كەلتىرىلدى. تاعى ءبىرى رەتتەلىپ, جاياۋ جۇرگىنشىلەر ءۇشىن اشىلدى. ەرتەڭگە دەيىن اياكتاپ, كولىك ءجۇرۋ ءۇشىن اشامىز. سوڭعىسىنا قاتىستى جۇمىستار قارجى ماسەلەسىنىڭ شەشىلۋىن تالاپ ەتەدى. سونداي-اق بۇل جۇمىسقا 20 تەحنيكا جانە 21 جۇمىسشى جۇمىلدىرىلدى», – دەدى وبلىستىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسى رولان يبراگيموۆ.
سونىمەن قاتار تولەبي اۋدانىنىڭ قاسقاسۋ, كەنەسارىق, قوساعاش, ەكپىندى, بىركولىك, كيەلىتاس, دوستىق جانە لەڭگىر قالاسىنىڭ اۋماعىندا ورنالاسقان ەلدى مەكەندەرىندە جاڭبىر سۋى جينالعانى انىقتالدى. جولاۋشىلار كولىگى جانە اۆتوموبيل جولدارى باسقارماسىنىڭ مالىمەتىنشە, اتالعان ەلدى مەكەندەردەن وتەتىن اۋداندىق ماڭىزى بار جولدار مەن اۋىل كوشەلەرىنەن بولەك, بىرقاتار وبلىستىق ماڭىزى بار جولدارعا دا زاقىم كەلۋدە.