پرەمەر-مينيستر اسقار ءماميننىڭ توراعالىعىمەن وتكەن «بايتەرەك» ۇلتتىق باسقارۋشى حولدينگى» اق ديرەكتورلار كەڭەسىنىڭ وتىرىسىندا حولدينگتىڭ 2019 جىلعا اۋديتتەلگەن قارجىلىق ەسەپتىلىگى الدىن-الا بەكىتىلدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.
حولدينگتىڭ كومپانيالار توبىنىڭ اكتيۆتەرى 2019 جىلدىڭ قورىتىندىسى بويىنشا 5 ترلن 214 ملرد تەڭگەنى قۇراپ, 10,5%-عا ءوستى (2018 جىلى – 4 ترلن 719 ملرد تەڭگە), ال شوعىرلاندىرىلعان تازا پايدا 48,4%-عا ءوسىپ, 51,5 ملرد تەڭگەنى قۇرادى (2018 جىلى – 34,7 ملرد تەڭگە).
وتىرىسقا قاتىسۋشىلار «بايتەرەك» حولدينگىنىڭ 2016-2020 جىلدارعا رەسپۋبليكالىق بيۋدجەتتەن جانە قر ۇلتتىق قورىنان بولىنگەن قارجى رەسۋرستارىن پايدالانۋى تۋرالى اقپاراتپەن تانىستى. قاراجات جوسپارعا سايكەس يگەرىلۋدە. سونىمەن, بيىلعى 1 ساۋىردەگى جاعداي بويىنشا اتالعان كەزەڭدە بولىنگەن 957,9 ملرد تەڭگە ەسەبىنەن, قايتارىلعان قاراجاتتى قايتا يگەرۋدى ەسكەرە وتىرىپ, ەكونوميكا 1 ترلن 164,9 ملرد تەڭگە كولەمىندە قارجىلاندىرىلدى.
ديرەكتورلار كەڭەسى حولدينگتىڭ 2019 جىلعا ارنالعان كورپوراتيۆتىك باسقارۋ كودەكسىنىڭ قاعيدالارى مەن ەرەجەلەرىنىڭ ساقتالۋى تۋرالى ەسەپتى بەكىتتى. قۇجاتتا كورپوراتيۆتىك باسقارۋ قاعيداتتارىنىڭ ساقتالۋىن باقىلاۋ ناتيجەلەرى جانە ونىڭ ەرەجەلەرىن ورىنداۋ بويىنشا قابىلدانعان ءىس-شارالار تۋرالى ەگجەي-تەگجەيلى اقپارات بەرىلگەن.
سونىمەن قاتار وتىرىستا حولدينگتىڭ 2020 جىلعى I توقسانداعى تاۋەكەلدەر بويىنشا ەسەبى جانە سول كەزەڭدەگى ىشكى اۋديت قىزمەتىنىڭ ەسەبى بەكىتىلدى.