بۇگىن WhatsApp جەلىسىندە قوستانايلىقتاردى دۇرلىكتىرگەن كەلەڭسىز بەينەجازبا تارادى. وندا قوستانايداعى «ارىستان» جەكە كۇزەت اگەنتتىگىنىڭ قىزمەتكەرى قىز بالانى كولىككە شاشىنان سۇيرەگەن كۇيى كۇشتەپ كىرگىزەدى.
تۇرعىنداردىڭ نارازىلىعىن تۋعىزعان بەينەجازبانىڭ ءمان-جايىن ءسال كەيىنىرەك پوليتسيا دەپارتامەنتىنىڭ ءباسپاسوز قىزمەتى بايانداپ بەردى. ولار بەرگەن رەسمي اقپارات بويىنشا, وقيعا 13 مامىر كۇنى ساعات 16.50-دە بولعان. كۇزەت قىزمەتىن اباي داڭعىلى مەن بىكوۆسكي كوشەسىنىڭ قيلىسىندا ورنالاسقان جانارماي بەكەتىنىڭ وپەراتورلارى شاقىرتىپتى. وقيعا ورنىنا جەتكەن «ارىستان» جەدەل قيمىل توبىنا كۋاگەرلەر قىزدىڭ جانارماي قۇيۋ بەكەتىنىڭ اينەگىنە تاس لاقتىرىپ, اسفالت توسەپ جاتقان جۇمىسشىلارعا جۇدىرىق الا جۇگىرگەنىن ايتادى.
ءوزىن ۇستاماق بولىپ ۇمتىلعان ەكەۋدى كورگەن قىز ءبىر كۇزەتشىنىڭ بەتىن تىرناپ, ەكىنشىسىنىڭ قۇلاعىن جىرتىپ تاستايدى. كۇزەتشىلەر ءتارتىپ بۇزۋشىنى ەكەۋلەپ ءجۇرىپ كولىككە باسىپ, پوليتسيانىڭ «وڭتۇستىك» بولىمىنە جەتكىزگەن. پوليتسيا ونىڭ نۇر-سۇلتان قالاسىنان كەلگەنىن جانە قىز بالا ەمەس, 1988 جىلى تۋعان ەر ادام ەكەنىن انىقتايدى.
- بەينەجازباداعى ادامدى شاشتان الىپ سۇيرەلەگەن كۇزەتشىگە قاتىستى قر قك 252-بابىنىڭ 1-ءبولىمى بويىنشا سوتقا دەيىنگى تەرگەۋ امالدارى باستالدى. ال كۇدىكتىنىڭ كىناسى باستاپقى ءىس ماتەريالدارى جيناقتالعان سوڭ بەلگىلى بولادى, - دەدى پوليتسيا دەپارتامەنتىنىڭ ءباسپاسوز حاتشىسى يرينا بەجەنار.
قوستاناي وبلىسى