كەشە پالاتا توراعاسى نۇرلان نىعماتۋليننىڭ توراعالىعىمەن وتكەن جالپى وتىرىستا ءماجىلىس بىرقاتار زاڭ جوبالارىن جۇمىسقا قابىلداپ, جاڭا زاڭ اكتىلەرىن ماقۇلدادى, دەپ حابارلادى وسى پالاتانىڭ ءباسپاسوز قىزمەتى.
كەشە پالاتا توراعاسى نۇرلان نىعماتۋليننىڭ توراعالىعىمەن وتكەن جالپى وتىرىستا ءماجىلىس بىرقاتار زاڭ جوبالارىن جۇمىسقا قابىلداپ, جاڭا زاڭ اكتىلەرىن ماقۇلدادى, دەپ حابارلادى وسى پالاتانىڭ ءباسپاسوز قىزمەتى.
پالاتا ايرىقشا جاعدايلاردا بىرىڭعاي كەدەندىك تاريفتىڭ مولشەرلەمەلەرىنەن ەرەكشەلەنەتىن كەدەندىك اكەلۋ باجدارىنىڭ مولشەرلەمەلەرىن قولدانۋعا قاتىستى تۇزەتۋلەردى جۇمىسقا قابىلدادى. قۇجات ءبىرىڭعاي كەدەندىك ءتاريفتىڭ ءمولشەرلەمەلەرىنەن ەرەكشەلەنەتىن يمپورتتىق كەدەن باجدارىن بىرجاقتى تارتىپپەن قولدانۋدىڭ بارىنشا ۇزاق مەرزىمىن بەلگىلەۋگە مۇمكىندىك بەرەدى.
سونداي-اق, ءماجىلىس قازاقستان مەن تاجىكستان ۇكىمەتتەرى اراسىنداعى وتەۋسىز اسكەري-تەحنيكالىق كومەك كورسەتۋ تۋرالى كەلىسىمدى راتيفيكاتسيالاۋ تۋرالى زاڭ جوباسىن جۇمىسقا قابىلدادى. قۇجاتقا سايكەس, قازاقستان تاراپى تاجىكستانعا ءتۇرلى اسكەري م ۇلىكتەردى وتەۋسىز بەرۋ تۇرىندە وتەۋسىز اسكەري-تەحنيكالىق كومەك كورسەتەدى.
جالپى وتىرىستا ءماجىلىس دەپۋتاتتارى ماقۇلداعان تاعى ءبىر قۇجات قوسارلانعان سالىق سالۋدى بولدىرماۋ تۋرالى قازاقستان-ليۋكسەمبۋرگ ۇكىمەتارالىق كونۆەنتسياسىن راتيفيكاتسيالاۋ تۋرالى زاڭ جوباسى بولدى. ول بويىنشا ۋاعدالاسۋشى مەملەكەتتەردىڭ ءبىرىنىڭ نەمەسە ەكەۋىنىڭ رەزيدەنتتەرى بولىپ تابىلاتىن جەكە جانە زاڭدى تۇلعالاردىڭ تابىسى مەن كاپيتالىنا قوسارلانعان سالىق سالۋدى جويۋ كوزدەلەدى. كونۆەنتسيادا, سونداي-اق, تابىستىڭ پايدا بولۋ مەملەكەتىندە تومەندەتىلگەن ءمولشەرلەمەلەر بويىنشا ديۆيدەنتتەرگە, پايىزدارعا جانە روياليتيگە سالىق سالىنۋى مۇمكىن ەرەجەلەر كوزدەلگەن.
قۇجاتتىڭ ماقساتى – سالىقتىق جالتارۋعا جول بەرمەۋ ءۇشىن قازاقستان مەن ليۋكسەمبۋرگتىڭ قۇزىرەتتى ورگاندارى اراسىندا اقپارات الماسۋدى جۇزەگە اسىرۋ پروتسەسىن رەگلامەنتتەۋ.
سونىمەن بىرگە, حالىق قالاۋلىلارى ەڭبەك كوشى-قونى جونىندەگى زاڭنامالىق تۇزەتۋلەردى ەكىنشى وقىلىمدا ماقۇلدادى. زاڭ جوباسىنىڭ باستى ماقساتى ەڭبەكشى كوشىپ-قونۋشىلاردى زاڭداستىرۋ بولىپ تابىلادى. سونداي-اق, جەكە تۇلعالاردىڭ شەتەلدىك جۇمىس كۇشىن تارتۋىنا رۇحساتتار بەرۋ ءتارتىبى وڭايلاتىلاتىن بولادى.
زاڭ جوباسىن قابىلداۋ كوشى-قون باقىلاۋىنىڭ تيىمدىلىگىن ارتتىرىپ, بيۋدجەتكە تۇسەتىن تۇسىمدەردى ۇلعايتادى دەپ كۇتىلۋدە.