2020 جىلعى قاڭتار-ءساۋىر ارالىعىندا رەسپۋبليكالىق بيۋدجەتتەن مۇگەدەكتىككە بايلانىستى مەملەكەتتىك الەۋمەتتىك جاردەماقى تولەۋگە 94 ملرد تەڭگە, اسىراۋشىسىنان ايىرىلۋ جاعدايى بويىنشا جاردەماقى تولەۋگە 24,6 ملرد تەڭگە ءبولىندى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى حابارلادى.
2020 جىلعى ءساۋىر ايىندا رەسپۋبليكالىق بيۋدجەتتەن مۇگەدەكتىككە بايلانىستى مەملەكەتتىك الەۋمەتتىك جاردەماقى تولەۋگە 24,1 ملرد تەڭگە, اسىراۋشىسىنان ايرىلۋ جاعدايى بويىنشا جاردەماقى تولەۋگە 6,2 ملرد تەڭگە باعىتتالدى.
2020 جىلعى 1 مامىرداعى جاعداي بويىنشا مۇگەدەكتىككە بايلانىستى مەملەكەتتىك الەۋمەتتىك جاردەماقى الۋشىلاردىڭ سانى 530,5 مىڭ ادامدى, اسىراۋشىسىنان ايىرىلۋ جاعدايى بويىنشا جاردەماقى الۋشىلار سانى 168 مىڭ ادامدى قۇرايدى.
مۇگەدەكتىك جانە اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقىلار مولشەرى مۇگەدەكتىكتىڭ توبى مەن سەبەبىنە, قايتىس بولعان (قازا تاپقان) اسىراۋشىنىڭ اسىراۋىندا بولعان ادامداردىڭ سانىنا, سونداي-اق ءتيىستى قارجى جىلىنا ارنالعان رەسپۋبليكالىق بيۋدجەت تۋرالى زاڭدا بەلگىلەنگەن ەڭ تومەنگى كۇنكورىس دەڭگەيىنە بايلانىستى بولادى.
2020 جىلعى 1 مامىرعا مۇگەدەكتىگى بويىنشا مەملەكەتتىك الەۋمەتتىك جاردەماقىنىڭ ورتاشا مولشەرى – 45 480 تەڭگەنى, اسىراۋشىسىنان ايرىلۋ جاعدايى بويىنشا مەملەكەتتىك الەۋمەتتىك جاردەماقىنىڭ ورتاشا مولشەرى – 36 896 تەڭگەنى قۇرادى.