نۇر-سۇلتاندا ماسا, شىبىن-شىركەي جانە باسقا دا جاندىكتەرگە قارسى دەزينسەكتسيا جالعاسۋدا. بيىل دەزينسەكتسيانىڭ قامتۋ اۋماعى ۇلعايدى. مىسالى, ماسادان اۋماقتى وڭدەۋ جوسپارى 20%-عا جانە سۋ قويمالارىن وڭدەۋ 25%-عا ۇلعايدى. ماساعا قارسى 230 ميلليون شارشى مەتردەن استام اۋماق وڭدەلدى, دەپ حابارلادى قالا اكىمدىگىنىڭ ءباسپاسوز قىزمەتى.
«جۇمىسقا ەنتومولوگ-ماماندار مەن دەزينسەكتورلار جۇمىلدىرىلعان. كۇن سايىن 150-دەن استام دەزينسەكتور مەن ونداعان ارنايى ماشينالار دەزينسەكتسيامەن اينالىسادى. جۇمىستار روتورلى بۇرىككىشتەرمەن دە, ماشينالارمەن دە جۇرگىزىلەدى. دەزينسەكتسيا ەكى اۋىسىمدا جۇرەدى», – دەدى قورشاعان ورتانى قورعاۋ جانە تابيعاتتى پايدالانۋ باسقارماسى باسشىسىنىڭ ورىنباسارى الماز رىساليەۆ.
جۇمىستار ۇنەمى ماسالاردىڭ كوبەيۋ ورىندارى مەن ەلوردا ماڭىنداعى قورعانىس بوگەتى ايماعىندا, بارلىق سۋ قويمالارىندا جۇرگىزىلدى.
قازىر قالانىڭ ىشكى كۆارتالدىق اۋماقتارىن جانە جالپى قولدانىستاعى اۋماقتاردى (كوشەلەر, ساياباقتار, سكۆەرلەر) وڭدەۋگە ەرەكشە كوڭىل بولىنۋدە. سونداي-اق ماسامەن ءتيىمدى كۇرەسۋدىڭ ماڭىزدى اسپەكتىسى – مەكتەپ, بالاباقشا, دەنساۋلىق ساقتاۋ نىساندارى, ساۋدا ۇيلەرى جانە ت.ب. اۋماقتاردى وڭدەۋ.